قصيدة - سلام انته

ابراهيم الخزعلي
(Ibrahim Al khazaly)

الحوار المتمدن-العدد: 6143 - 2019 / 2 / 12 - 08:12
المحور: الادب والفن
    

( الى الشهيد الخالد سلام عادل،
وكل الشهداء الأحرار الذين حملوا
ارواحهم على اكفهم من اجل كرامة
الأنسان والأنسانية والغد المشرق..)


شما نحچي ونگول
او نوصف الشفته
وشما احنه كتبنا
او كتبت الأقلام
الكتب ما توصل لقمته
او لو نجمع ..
حروف الدنيا والتاريخ
ما نلگه حرف واحد
من سر الملحمه بقصته
ولا واحد من الأنذال
شما حاول بكل حقده
وبكل خسته...
چلمه وحده ما حصّل
بصمودك انته حيرته
وذيابه وكل وحوش الكون
ولّت من صحت بيهَ
الشفته والماشافك
والشافك او ماشفته
والجلاد يرجف
من رفع سوطه
بنظرتك انته ارعبته
وعيونك الگالتله
منو انته
سلام انته
او اسد انته
او جبل انته
او شمس انته
او نجم انته
او گمر انته
او ضوه انته
او شموخ انته
او كرامه انته
او رجوله انته
او بطوله انته
اباء او كبرياء انته
صمود انته
او شجاعه انته
او شهامه انته
او عطاء انته
فكر انته
او نضال انته
او وفاء انته
غيره او مرجله انته
محبه انته
او حياة انته
او مجد انته
او خلود انته
الشعب انته
الحزب انته
لأن انته
سلام انته
والظنوا شمعه البروحك
يطفّوها بنزيف الدم
ما عرفوا شمس انته
هم شايف شمس تطفه
وضواها بدمك اشعلته
شفنه ، او سجل التاريخ
اللي تلطّخت ايده
مات بعاره وبعلته
دمّك غالي ما يرخص
لعيون الشمس بس انته رخصته
او ذاك الموت من شافك
وگع يم رجليك
او بيدك انته گوّمْته
او من انطيت روحك
للوطن والناس
لافد يوم واحد منهم الخانك
ولا واحد منهم الخنته
يالزارع ابوجه الناس
بسمه ونور
او نبض گلبك محبّه او خير
انته بدربك انثرته
وبيوم اللي شبگت الموت
دموع من الشمس طاحت
او عليك انتحبت ابسكته
السمه والگاع باسنّك
او مثل المستحي انته
گاللك سلام الخير
سلام اعليك
من كل معدم او كل كادح
او من كلمن مشه بدربك
الشفته والماشفته
او من كلمن مشه بدربك
الشفته والماشفته

الدكتور ابراهيم الخزعلي
28/01/2019

#ابراهيم_الخزعلي (هاشتاغ)       Ibrahim_Al_khazaly#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات