رسالة الي ابو الهول

وحيد محمود محمد
كاتب و باحث
(Waheed Eyada)

الحوار المتمدن-العدد: 6096 - 2018 / 12 / 27 - 23:15
المحور: اليسار , التحرر , والقوى الانسانية في العالم
    

##رسالة_الي_ابوالهول :
بقولك يا عم الحج انت بقالك كام الف سنة مرزوع في مكانك لا بتهش و لا بتنش ..... و شايف اللي بيحصل فينا وانت ولا بتفتح بؤك و لا بتتهبب تاخد اكشن كدا تاريخي !
خلي عندك دم و اعملك منظر و بطل بقي تنور و تطفي خيلتنا الله يخرب بيتك.!!
روح نادي علي اخناتون و اتون و نفرتون و كل فرعون و متنساش تنادي علي اخوك رمسيس واختك ايزيس..
و شدوا حلكو كدا و تعالوا شوفوا ايه اللي بيحصل في احفادكم... فقر و قلة قيمة.. و عوز.. ايون عوز ... اسألوه بقي شكلها كلمة فرعوني تبعكم!
احنا اتبهدلنا من بعديكوو .. و حياة ابوك يا شيخ تكلم الباشمهندس خفرع و الاستاذ تحتمس و حاول تتصل بالست الاميرة نفرتيتي و الشيخ رع هع لع
المهم اتلحلح كدا من غرزتك دي و هات العيلة كلها و تعالوا بصوا علينا كدا و اقعدوا معانا شوية يمكن العالم يحترمنا و بعدين مش هاوصيك و - حياة جدك زوسر - يا شيخ مش انت برضو يا حج ابو الهول حارس مصر .. حاول تتكلم مع الحكام بتوعنا يخفوا شوية علينا .. انتو اكيد فراعنة ذي بعض و بتسمعوا كلام بعض .. متنساش وانت جي تجيب معاك شوية زيت و سكر من عندكم .. اصل احنا اتشقلطنا و اتبعلطنا من بعدكووو.

#وحيد_محمود_محمد (هاشتاغ)       Waheed__Eyada#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات