تضامن عمالى .مصر.بيان تضامن لقطاعات عماليه مع مطالب عمال مصنع يونين اير بالسادس من أكتوبر فى اليوم الثالث للاضراب

تيار الكفاح العمالى - مصر

الحوار المتمدن-العدد: 6029 - 2018 / 10 / 20 - 04:47
المحور: الحركة العمالية والنقابية
    

تضامن مع عمال مصنع يونين ايربالتوقيع اسفل البيان:
بدء اضراب العمال بالشركه نتيجة غلاء المعيشه وعدم احترام العلاقه التعاقدية للعمل .من اول ما الدولار ارتفع قدام الجنيه من سنتين وصاحب المصنع (محمد فتحي )بينذل للعمال ذيادات ضعيفه ويوعدهم أنه هيذودهم السنه القادمه ..وحتي الذيادات الضعيفه بينذلها بعد بداية السنه بكام شهر وبدون اثر رجعي ..ومتوسط راتب العامل 1500جنيه وفي مبلغ من150 الي200-بيتم صرفهم كل أسبوع للعمال تحت اسم حافز انتاج .وتقريبا بيمثلو حوالي 60 -100من راتب العمال .وللاسف صاحب المصنع قرر يشيله السنه ده .بالاضافه أن الزياده السنويه جت قليله مقارنا بالاسعار 100-60لكل عامل ..بالاضافه لاحتقان موجود وسط العمال بسبب التعامل بانتهازيه معاهم الراجل ليفتح باب التعيين اول الصيف ويرفد اللي عينهم اول الشتاء تبع مواسم الشغل والانتاج عنده ..وده خلا العمال محتقنه ومفتقده الاستقرار في علاقة العمل ..صاحب المصنع مش فقط شال الحافز الأسبوعي ولكن كمان شال خمس منح تصرف مع العيدين ومولد النبي ودخول المدارس ودخله رمضان .المفروض انهم الأرباح السنوية بتاعتهم ولكنها تصرف علي دفعات وفي شكل منح .علما بأن الشركه تمتلك ٧مصانع يعمل بها حوالي 7000عامل تقع كلها في منطقه اكتوبر وبشهاده العمال المصنع بيخرج إنتاج كويس جدا ..وأسباب وقوف العمال هو أن أحد العمال من مصنع الثلاجات استوقف صاحب المصنع وقالت إنه مش معاه فلوس علشان يشتري فطار الراجل قاله (الدنيا خربانه علي الناس كلها ) وكان العمال عشمان أن صاحب المصنع يصرف لهم حوافز اسبوع او اثنين اللي متوقفين ليهم شهرين طبعا مش محتاجين اقوللكم أن صاحب المصنع استدعت امن الدوله ليهم وقام بتهديدهم وأنه يرفض التفاوض معهم حتي الآن .تقدر تقول صاحب مصنع مسنود من الحكومه ..

مطالب عمال شركة يونيون إير :

1 - تعديل المرتب ليكون بحد أدنى 3000 ج .

2 - تثبيت الحافز شهريا بحد أدنى 600 جنيه و800 بحد أقصى .

3 - أرباح سنوية بحد أدنى شهرين وبحد أقصى ثلاثة أشهر .

4 - الزيادة السنوية أول كل سنة وتبدأ من شهر يناير ولا ترحل وتكون بحد أدنى 250

ج وبحد أقصى 400 جنيه .

5 - فصل الحافز عن الراتب .

6 - والزيادة السنوية تكون 20 % من المرتب .

7 - المنح السنوية ( العيدين ورمضان المبارك والمنحة الدراسية والمولد النبوى )

8 - فتح عقود الفنيين الذين مر على تعيينهم سنتين .

9 - عدم خصم الأجازة العارضة من الحافز كونها حق أصيل للعامل .

10 - تعديل مواعيد العمل لتكون من 8.15 ص حتى 5.15 مساء .

11 - عدم تأخير المرتبات عن بداية كل شهر.

12 - توفير الخامات اللازمة للانتاج .

13 - تغيير البنك المخصص لصرف الرواتب والمستحقات المالية .
برجاء التوقيع التضامنى من عمال القطاع الخاص وقطاع الاعمال والنقابيين الشرفاء "أيد لوحدها متصقفش"

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات