منيرة نصيب
الحوار المتمدن-العدد: 6008 - 2018 / 9 / 29 - 02:24
المحور:
الادب والفن
نريدك حبيبي ..
مع كل ما تطلع
شمس ..
ومع كل ما تغرب
شمس ..
نريدك اليوم
وبكرة ..
نريدك أمس
وأول أمس ..
نريدك دواي ..
نريدك طبيبي
وعلتي ومشكاي ..
نريدك ونس ..
نريدك نفس ..
نريدك رفيقي ..
نريدك ليالي شوقي .
نريدك زهاي
وفرحتي ..
نريدك أسطوري
كلهن ..
نريدك أعياد
قصيدي .
نريدك دموعي
عبرتي
وتنهيدي ..
نريدك سند
غير السند ..
نريدك اللي بي دوم
تسند ..
نريد أيدك ما تفارق
أيدي ..
نريدك هناي ..
وين ما يضيع
هناي طريقي ..
نريدك رجاي
من بعد ربي ..
نريدك اللي تخطر
أتجلي ضيقي ..
نريدك أمعاي ..
نريدك قمر ليلي
اللي ضواي ..
نريدك أحذاي ..
نريدك يا نبض قلبي ..
تجري فدم وريدي ..
نريدهن عيونك
هن عيون أوليدي ..
نريدك ليّ ..
نريدك حبيبي .
#منيرة_نصيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟