جحا العراقي محافظ لمدينة البصرة

جحا العراقي

الحوار المتمدن-العدد: 1510 - 2006 / 4 / 4 - 09:38
المحور: كتابات ساخرة
    

اه يالبصرة ولج مايجي احد مثلج بالطيب بالعالم كله ....اذكر ج يالبصرة ودائما انتي بالي اذكر من جنت ادك الباب عليج بوقت عسكريتي ادق الباب على اي واحد من اهلج وانا ماخذ الاجازة وراجع للبيت اطلب من احد الاشخاص شربت ماء بارد جان يبتسم بوجهي ويجرني جر لداخل البيت وانا ماعرفه ولا الي علاقة بيه ويغدني ويقولي خوما محتاج اي شي قول احنا اخوتك مااقدر انسى طيبة اهلج لايمكن ان يكونوا بشر انا متاكد هما ملائكة تحية الج ولااهلج الطيبين اتمنى ترجع ذيج الايام حتى ازورج انتي الوحيدة الي ماشلتي حقد بقلبج على احد رغم انه طول حياتج مظلومة دموعي اريد امسحها من انطق باسمج ماتقدر اشوف حالتج هسه لج صدك ..... جذب ....دمروج الحثالة من وقت القندرة صدام وهسه دمروج التيارات الدينية الجايفة من امداني .

استلم جحا ادارة محافظة البصرة وصدك جحا جان شلون محافظ هو صحيح صغير وطفل بس مو زعطوط لان حاشه الزعطوط اذا يوصل اله وهو من بيت معروف ديني لطخ اسمه البيت بسبب تصرفاته الجايفة والخايسه وسند جحا حزب عفطي ديني اخر من احزاب الي ظهرت على الساحة بعد السقوط (بقيادة استاذ جان ياخذ الرشاوي من الطلاب ويلاحق البنات بالكلية وجنه ماشايف وماضي الاسود معروف اسالوا طلابه وهم يجاوبوكم احسن مني اخاف انا تقولون علي جذاب وراء السقوط قلب موجه على التيار الديني والعمامي من امد هيج علم وجامعة خلته يخلص دراسة ويصير مدرس بيها ) ... بس شقول غير هو هذا وقت العفطية .

جحا رائع جدا كان قد دخل دورة في العمالة وبيع الاخلاق والوطن والركوع تحت احذية ارجل العارة ايران ( وحقه غير يصعد بالمصعد مثله مثل غيره هي بقت عليه ) .

طبعا وكل هاي وخله محافظة البصرة محافظة ايرانية مو هي قاصرة من الغربية محافظة سورية ومن الشمال دولة هندية ومن الجنوب محافظة ايرانية شقول على الوقت الي خلا العراق يتمزق هيج ..

طبعا اخونا محافظ البصرة خوش محافظ وتوب وللامانه كل البصرة تمدح بيه ومعتبرته القائد الملهم للنعال ابو اللاستيك .

خله المحافظة عدد سكان الايرانين فيها اكثر من عدد سكان العراق وبالعافية كلها مستفادة طبع ( المخابرات والاستخبارات والجيش والشرطة والحرس الثوري) الايراني كله بذيج المحافظة طبعا اقسملكم انه نسبة 90% من الحرس الوطني بذيج المحافظة يتكلمون اللهجة الايرانية بطلاقة وانتوا افتهموا الباقي طبعا جميع الكتب الرسمية بالدوائر الحكومية يتم استنساخها ونقلها الى مقرين في طهران واصفهان ( حسب مصدر موثوق ومعتمد هناك ) والتجاوزات الايرانية وصلت الى اخذ معتقلين من سجون الحرس ونقلهم الى ايران لتحقيق معهم ووصلت الى اجراء تحريات عن جميع ضباط من شاركوا في الحرب العراقية الايرانية وانه اكثر من خمسين ضابط في البصرة شارك في حرب الايرانية العراقية ( وكلهم من الشيعة ) تم تصفيتهم وان هناك قائمة من 1200 اسم ضابط ( 30% منهم شيعة ) تم تصفية نصفهم والباقي جاي بالسرى وانا مستعد ان اعطي بعض هذه الاسماء التي سوف تتعرض للاغتيال ولكن اكتفي بالاشارة الى شخصية مهمة سوف تغتال الايام القادمة كانت في الحرب الايرانية العراقية تنسق عمليات الهجوم وقد تم احالتها على التقاعد 1992 .

جحا انت جاي تلعب بالنار ترى المنصب يروح ويجي بس البلد اذا ضاع لايمكن ان يجي شلون طركاعة وي الفقيه الاول صمت ابهات الشيوعيين بايران وسوا مثل ماسوا ابو كذلة ويانا بالسبعينات الله كريم يرجع فكرنا وغصبا ما على كل عمامة بس نرجعه مو بالقتل والذبح والفتاوى الي تقتل الناس العراقيين الي تصدر من الفلوجة من جامع ....... او من المفتي في حسينية المصطفى الي هي المقر الرئيسي لااوامر الاعدامات الاخيرة في فتنة تهديم مرقد الامام ( ع) ( والي مايصدقني خلي يسال اي واحد من جماعة جيش المهدي وهو يجاوبه احسن مني شوكت نخلص من العمامة البيضة والسودا ويكعدون راحة وعقال بالجامع والحسينية ويتركون السياسين مو العفطية يديرون البلد ) وكانت قبلها تلقط واحد واحد من الشيوعيين بس بسيطة يبقى الشيوعيين هم الورده وافكارهم هي الاذكى ويبقى قلمنا السيف الفاصل بينا وبين التيارات الدينية ونصيحة للي مايعرفنا خلي يقرا عنا شويه صدقوني ماراح تنضرون شي لاتقرون عن افكارنا الالحادية اقروا عن مبادئنا واهدافنا بس اقروا انتوا ماخسرانين شي ولاتنضمون لحزبنا لان اني نفسي مامنضم للحزب يكفي بس تعرفون شلون احنا نفكر وشوفوا احنا بقلمنا شلون خلينا اكبر دولة تعمل لنا حساب ( وتاخذ كلامنا ) وخلينا اكبر شخصية بالحكومة العراقية تامر جماعة بمعرفة مصادر معلومات جحا شفتوا احنا شلون ايخاف منا ابو العمامه والمحتل وباسم الوطن راح نحرر البلد بالقلم مو بغير شي لادم ولاذبح ولاقتل ولاارهاب ولادريل فكروا شويه وفتحوا عقولكم . انتوا كلكم احسن من جحا ( اقله ماعدكم لسان لاذع مثله وماتشربون مثله ) وممكن تصيرون احسن من الكل بعد بس شويه اطلعوا على الافكار الشيوعية وشوف اذا ماطلع فكرنا مستمد كل الاخلاق والقيم من كافة الديانات السماوية تعالوا عاتبوني ومبادئنا حتى الصدر الاول اخذ من عدنا هوايه شغلات ولزكها باسمه وصار بنظرياتنا احنا فيلسوف العصر وكل هاي واحنا مقلنا لا او عيب وضلينا فاتحين صدرنا للكل تاكدوا من حجي هذا واذا طلعت جذاب تعالوا ناقشوني .

طبعا لازم اتكلم الان عن منجزات جحا العراقي في محافظة البصرة ...

1. قام جحا العراقي بنشر المخدرات والحشيش في هذه المحافظة ( من قبل العارة ايران ) حتى يخدر عقول الناس وافكارهم لغرض اهم لتحضى نفسه لفصل المحافظة وجعلها دولة منفصلة ويصبح هو رئيسها هذا شجاي يمضرظ جحا المحافظ .

2. طبعا جحا قام بزيادة ولائها للعمامات والهاء الناس بالدين ومراسيم العزاء حتى تتاح الفرصة له لغرض سرقة اموال المحافظة عن طريق بيع سيارات نفط الى ايران وتهريبها واعطاء حصة لحزبه وحصة لوزير النفط العراقي والباقي له والي مايصدك حجي يقدر يسال بوزارة النفط العراقية وصاحبها الوزير الي ابوه ( بعثي الحوزة ) هو الى لزك نسب القائد الملهم بالرسول حتى ينطي جم فلس شلون لوكي ابوه مضبوط صاحب السبع قصائد (المعلقات ) للقائد الملهم (ابو صقلة ) بعد شنسوي اذا كلها تقية شلون وي العمايم .

3. جميع اجهزة الامنية للمحافظة تابعة لقيادات ايرانية خفية وظاهرية .

4 . طبعا اموال المقاولات والاعمار للمحافظة لازم نسبة 30% بالمائة تذهب لجحا العراقي .

5 . في الفتنة الاخيرة قام جميع ضباط الحرس الوطني ( الايراني ) بحرق مساجد الطائفة السنية وعندما طلب من جحا المحافظ ان يتدخل قال انا مااقدر اسوي شي لان اعمامي الايرانيين قالولي لاتتدخل وانجب وانلصم واهل البصرة ( الشيعة ) قاموا بحماية اخوانهم السنة في محافظة الزبير وابو الخصيب ولكن المشكلة انه الايرانيين قد اغرقوا المحافظة بتعدادهم ولذلك لم يستطيعوا ان يقفوا ضد المد الجارف من قبل الايرانيين بالاجهزة الامنية وخاصة الحرس الوطني الايراني في البصرة .

6 . جحا العراقي له نسبة من الكمارك ميناء ام قصر وخور الزبير تبلغ 10% فقط له يستلم الصافي بيها عن طريق مصرف بالبصرة يقوم بتحويلها الى مصرف اوروبي في دولة اوربية معروفة .

7. جحا قام يعلق صورة الفقيه الاول الايراني ( مااعرف راح يرحمه الله لو احتمال يشوف الخليفة الدموي يزيد وياه بنفس المكان اثنينهم نفس الصنف ) في دوائر حكومية وهو هذا الفقيه الي دمر الفاو واحتلها وسلب وقتل ونهب واغتصب بيها الجيش الايراني بفتوى الفقيه ... صدك وقت الي خلا الجياف يضحكون علينا .

8 . جحا الانكليز مخليك براحتك ومحضرليك شغله حلوه بس انتظر الاشهر القادمة وخلي تفيدك العمامه وحزبك الفاشوشي انتظر الانكليز يسكتون بس من يلعبون حتى انا مااقدر اوقف بوجههم انا احترمهم على لعبهم .

9 . مقتل حرس الحدودي للشرطة النهرية واعتقال الاشخاص البقية من ايران شسويت عليه بس رجعتهم وماحاولت حتى انتقاد العاهرة ايران بسيطة الحساب يجمع بس مو هسه خلي ايران شويه تضحك علينا يجيها يوم هي وفقيها الجديد الي محضر يستلمها من خامنئي وهو وغف وسجاني اهووووه اعتذر يابه نسيت اسمه رفسنجاني يلحق القفص مثل ابو الخروفين .

جحا خوما زعلت ترى انا مانشرت كلشي حتى لاتزعل مني ترى بوي بوي اخذ مني نصيحة الاحتلال معتبر كل من وضعهم بمناصبهم الان احذية له فانت لاتروح زايد افتهمت اخاف اتكلي احنا جينا بانتخابات راح اكلك اي انتخابات الي زورتها بس انتظر جايك الطابع من خوالنا انت بس انتظر شوية .



اما ردا على من قال لي انا اتوقع ان كل معلوماتك وكتاباتك كذب انا اجيبه بان عليه ان يتاكد من معلوماتي والاسماء التي اعطيتها له جزء بسيط عن صدقي او كذبي واحب ان اقول له لايمكن لشخص مثلي جالس في وسط الحكومة ومخلي نفسه بالنار علمود يشتهر او علمود محتاج يبتز اطراف انا معرض نفسي وعائلتي من اجل ايصال حقائق عليكم انتم ان تثبتوا كذبها ان استطتعتم انا لااحتاج لان اكون بطل ...انا احب العراق اعبده اعشقه ولن اتهون في الموت في سبيل ان لايتقسم هذا البلد . ام من قال لي من يقول لي ان فرع الاستخبارات الرئيسي هو نصب الجندي المجهول انا اقول له خلي يسال جماعته بالمنطقة الخضراء وهم يجاوبوه ويقولون له بان هناك اكبر غرفة عمليات موجودة بيه بس احنا مو كلشي نقدر نحجي حتى لايتعرض مصادري للخطر افتهمتوا . اما من قال لي لايوجد بيع اعضاء البشر المجانين والايتام لان عليها رقابة فانا مستعد لان اعطي حتى اسماء اطباء وكادر كامل يقوم بهذه العملية وبعلم وزير الصحة الخايس ابن الخايسه . اما من قال لي انه لايوجد هناك محاولة لاغتيال لابو كذلة في صدامية الثرثار سنة 1999 فانا اكله انه اربع اشخاص تم تعذيبهم واعدامهم بسبب هذه المحاولة ( رحمة الله عليهم ) وكانوا يعملون بصفة عمال بناء في ذلك القصر بعد شتريد تعرف اكثر مو لاتخلوني احجي ازيد كلها جايه بالدور ( مو دور عمارة ولادور اول واكمال ودور ثاني لا دور معناها دورة مو فلكة ) .



حكمه الحلقة ( اذا اردت ان تبيع وطنا فعليك ان تتذكر انك لن تجد ماتشتريه بثمنه )

#جحا_العراقي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات