الخراب الاقتصادي...أسبابه - أعراضه - كيفية الخروج منه

شريف عشري

الحوار المتمدن-العدد: 5972 - 2018 / 8 / 23 - 13:51
المحور: الثورات والانتفاضات الجماهيرية
    

الخراب الاقتصادي...أسبابه - أعراضه - كيفية الخروج منه
*************************************
لا شك أن الخراب الاقتصادى الذي بلغ مداه فى الآونة الاخيرة هو نتاج تراكمي ناجم عن سلسلة من الفشل لعصور سابقة ربما ترجع فى مبدئها الى انقلاب 23 يوليو بقايدة الضباط الاحرار و المدعوم من الشعب ....استمر الاداء الاقتصادي فى تدهور ومعه بدأت تتآكل الطبقة المتوسطة حتى انها تقريبا تساوت الآن مع الطبقة الفقيرة بل وتغيرت تركيبة المجتمع وملك الرعاع والفاسدون الأموال والثورات أما أصحاب العقول والمفكرين ووصفوة الطبقة المتوسطة مات من مات منهم وهو من فضل البقاء فى البلد أما من سافر وهاجر فهو من أنقذ نفسه وأحيا طموحاته وربما تفوق ولكن فى الخارج ..... استمر الوضع من سيء لأسواء حتى انتفض الشعب فى 25 يناير لظروف أعتقد تجمع ما بين مؤامرات خارجية ودعم داخلى بسبب أن الأرضية البائسة للغالبية العظمى من الشعب والتى كانت ترحب بهذا التمرد وتلك الانتفاضه بل رفعتها لمرتبة الثورة ! إلا اننا لا يمكن ان نعتبرها ثورة لانها لم تحقق التغيير الجذري والشامل فى بنية المجتمع بل قادتنا جميعا الى أوضاع اسوأ وأسوأ ....وبالتأكيد الأخوان لهم علاقة وطيدة بالوضع السيء الذى بلغناه ويمكن اجمال ذلك فى النقاط التالية :
1- هما سرقوا الثورة وحطموا أحلام جيل بحاله
2- تحالفوا مع المجلس العسكري وماتنساش شعارهم لطنطاوي كأمير للمؤمنين .
3- لم يتم محاكمة اى عنصر فاسد من عناصر نظام مبارك بالعكس معظمهم اخدوا براءات .
4- تسببوا فى استنساخ نظام مبارك وعودته مرة أخرى بزى مختلف ....بل وتحالف النظام الجديد مع السلفيين بسبب الاذعان الى المملكة العربية السعودية ونظامها الوهابي .
5- هم باعوا للشعب أوهام بمشروع النهضة الوهمي ...ده غير انهم اشتغلونا كلنا لمدة 80 سنة .
6- عندهم استعداد كبير لمزيد من خداع الناس تحت قضايا وهمية كفلسطين وغيرها .....ده غير شعارهم الازلى بتاع الاسلام هو الحل ...وأستاذية العالم وعودة الخلافة عندهم هى اساس التقدم وبناء الحضارة
7- مكنوا المجلس العسكري انه يضحك عليهم ويحرق كذبهم امام الناس مش كده وبس بل وعودة الجيش مرة اخرى لتولى مقاليد الحكم وتقييد الحريات وفرض الأمن
8- لما خرجوا من السلطة ماكفاهمش سرقة الثورة والخراب اللى سببوه فى البلد فراحوا حرقوا كنايس وفجروا وخربوا ونهبوا وسرقوا وعملوا بؤهر ارهابية فى النهضة ورابعة تحرض على جيش بلدهم
9- كل ماسبق جعل مصر بلد غير أمنة وتتسم بالفوضى فخسرت البورصة طوال تلك السنوات وهربت رؤوس الاموال للخارج واللى عنده قرشين فى الداخل خايف يطلعهم فى مشروع ونايم عليهم 31 - لم يكتفوا بهذا بل ان منهم من هرب للخارجوتحالف مع دول تكره مصر وتفرغوا تماما لبث الفرقة من قنواتهم بين أبناء الوطن والعمل على التحريض على العصيان المدنى واشاعة الفوضى والتآمر على الدولة بالسب والقذف لجيشها والتقليل من شأنه باختراع الاكاذيب وتهويل الأمور وده موضوع يطول شرحه .
****
جملة القول اذا كنا نعاني الآن فأساس المعاناة وضياع الثورة من بدء الاخوان تدخلهم فى الثورة والركوب عليها وتحالفهم مع المجلس العسكرى ضد طموحاتها وكل ذلك فقط طمعا فى السلطة والحكم ....ماتنساش انهم داهنوا مبارك واتحالفوا معاه وكانوا مؤيدين للتوريث ....الاخوان عملوا كل شيء واى شيء يوصلهم للحكم والمخابرات كانت دارساهم كويس ورمت لهم العظمة وفى الاخر ونتيجة كل ماسبق ...خراب الاقتصاد ومزيد من هذا الخراب اللى هما أصلا السبب الرئيسي فيه من البداية .
****
ولما الاقتصاد يخرب أكتر ماهو كان خربان ....فالسياسات اللازم اتباعها لكبت جماح التضخم والحد من معدلات البطالة باشكالها وخصوصا المقنعة disguised ( ناس متوظفة وبتاخد مرتب ومش بتشتغل ولا بتضيف حاجة للانتاج ) ....هى سياسات بيسموها فى علم الاقتصاد سياسات تقشفية انكماشية ...ده العلاج المر ... وتعنى تلك السياسات ببساطة محاولة خفض الطلب الكلي الفعال واعاده توازنه عند العمالة الكاملة ......وترجمة السياسات الانكماشية اقتصاديا تعنى :
1- سياسات مالية انكماشية : تأتى برفع الضرائب وخفض الانفاق الحكمي ( بما فيه الدعم والمدفوعات التحويلية كالمعاشات والاعانات وغيره )
2- سياسات نقدية وتجارية انكماشية : برفع الضرائب الجمركية على الاستيراد وفرض الحصص والكوتا ، و برفع سعر الفائدة لحافز لجلب مدخرات يتم بها تمويل قروض استثمارية ..وكذلك رفع سعر الصرف ( يعني خفض قية العملة المحلية " الجنيه " ) وذلك لتشجيع التصدير والحد من الاستيراد .
*********
لو الدولة ما اتبعتش السياسات دي ممكن توصل لحالة تضخم رهيبة معاها ممكن تشترى الجريدة بعشرين الف جنيه يعني الشعب مع التضخم الجامح مش حيلاقى ياكل والموظفين مش حياخدوا رواتبهم والمشاريع حتقف والبطالة حتزيد .....ده اسمه الدوا المر اللى لازم الناس تتجرعه ...ولو قريت فى التاريخ حتلاقى دول كتير بعد الحرب العالمية الثانية مرت بظروف اسوأ واتبعت نفس السياسات ....مع تطبيق تلك السياسات ومع العمل والانتاج ومرور وقت كافى + استمرار محاربة الفساد ...الامور ممكن تنضبط تانى .
***
مطلوب الان من الدولة ومن الشعب كذلك 4 أمور : أمن واستقرار وعمل وصبر

#شريف_عشري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات