ميسون نعيم الرومي
الحوار المتمدن-العدد: 5942 - 2018 / 7 / 23 - 23:50
المحور:
الادب والفن
الى االثوار اهديها -5-
ميسون نعيم الرومي
إهدِروْ دمـَّـك ذول حكومة طواغيت
ع الكرسي وايگعدون .. واحنه ابتوابيت
***
باگــوه العــــــــراق اوكتـلوا اولاده
احزاب الخيانه التـِدْعي للديانه .. ابحجة الساده
***
كل الشعب ينخاك يا علي الكرار
تخسف الخضره ابذول هالكومة اشرار
***
موجوعه روحي اعليك والدمع يهمل
اشگد اوبعد چم دوب ياشعب تحمل
***
يا دم الشهيد اليحرگ الحكام
يا ثورة شعبنه التطرد الظلام
***
يا عيني العراقي امحسـر اومذبـوح
حصته امن النفط بس الهضم والنوح
***
دمكم ياشباب انهدر واتطشر
(اعبادي) المدعي بس يخطب القشمر
***
امتثل للقانون .. حاسب السراق
مو بالحچي المعسول وابعزف الابواق
***
شعبنه ابن الحضارة منبع الأديان
ما يـرضه عبد ايصير واتحكمه ايران
------------------------------------------------
23/تموز/2018
ســــــــــــــــتوكهولم
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟