سعد محمد عبدالله
- شاعر وكاتب سياسي
الحوار المتمدن-العدد: 5927 - 2018 / 7 / 8 - 02:52
المحور:
الادب والفن
إنقص رأس الخوف والقصة سعدية
بت أمها الكانت هلكانة مشقية
طلعت علي الشارع في ثورة شعبية
صدوها ما رجعت بت المزارعية
ساقوها ليلة العيد والدنيا قمرية
السجن والبوليس حاجات خرافية
إتضامنوا الطلاب من الصباحية
إستنهضوا العمال كل المزارعية
الشعب إتوحد ضد الحرامية
الضيعوا السودان نارية نارية
ظلمونا باسم الدين والثروة النفطية
ما شفنا غير الدم والأهة طاقية
الليلة يوم الحق مطلبنا حرية
يا دومة دا المنجل والجاية طورية
الصخرة تتكسر وأرضنا مروية
نبني الوطن باكر قطية قطية
سعد محمد عبدالله
7 يوليو 2018م
#سعد_محمد_عبدالله (هاشتاغ)
كيف تدعم-ين الحوار المتمدن واليسار والعلمانية
على الانترنت؟