ميسون نعيم الرومي
الحوار المتمدن-العدد: 5876 - 2018 / 5 / 18 - 13:27
المحور:
كتابات ساخرة
يا شعب اصحه اوشوف
شوف المهزله
صفگه اوهلاهل...يا هله
اسكت اوتاكل نستله
ضاع الوطن .. كلمن اله
صفگه اوهلاهل...يا هله
بو اعمامه وي ريم الفله
*تزويز شوفه اشكره
كلهه صفت بيع اوشره
اسكت او اوگف سره
انباع كلشي وانشره
بالقيم كفروْ .. كفره
صرنه يعالم قشمره
صوَّتـْـنـَه المن يا ترى؟
ضاع الوطن محد اله
وين الحراك النرقبه
لو بس هزيمه اوعفتره
هذا الفقير المن اله
والكيكه.. قسموهه تره
وين اليحل المعضله
صفگه اوهلاهل...يا هله
ياشعب شوف المهزله
-------------------------------
https://www.youtube.com/watch?v=kc5AHGb12N4*
18/آيار/2018
ســــــــــــتوكهولم
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟