أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - أيمن غالى - الحمار له خمس رجلين و جناحين و بيطير














المزيد.....

الحمار له خمس رجلين و جناحين و بيطير


أيمن غالى

الحوار المتمدن-العدد: 5832 - 2018 / 3 / 31 - 22:41
المحور: كتابات ساخرة
    


مفاهيم و كلام كتير بنحتاج نشرحهم؛ لكن ممكن نوجزهم و نوفر توضيحهم بطرق و وسايل مختلفة؛ بمثل؛ بقصة؛ بحكمة؛ و ممكن بنكتة بليغة توفر وقت الشرح و توصل المفاهيم بصورة كاملة ..
أسيبكم مع النكتة إللى جاية و نرجع نكمل كلامنا مع بعض ..

النكتة* بتقول:
إتنين قرويين ( حسنين و محمدين )؛ كانوا قاعدين يتسامروا مع بعض ..
حسنين: تحب أجول لك فزورة يا محمدين ؟
محمدين: جول يا حسنين
حسنين: حاﭽة ليها خمس رﭽلين و ﭽناحين و بتطير
محمدين: ﭘاه .. ما خبرش يا بوى
حسنين: شوف حلها إييه .. الحمار
محمدين: ﭘاه .. بجى الحمار له خمس رﭽلين و ﭽناحين و بيطير ؟
حسنين: لَعْ .. بس بِنصَّعِبها شوية

نسيب النكتة شوية و نشوف الحكاية دى مع بعض ..
لو تابعنا ترجمة أسماء الأعلام من لغات العالم للعربية حا نشوف حاجات عجيبة لها العجب؛ منها:
نشوف حكاية ترجمة أسماء الأعلام من لغات العالم للعربية و نحاول نفهم دماغ المترجم و نعرف غرضه و كونه عاوز يوصل لإيه ..
نشوف إسم الفيلسوف أفلاطون جاى منين و العرب ترجموه إزاى .. الراجل فى اليونانية إسمه بلاتون Πλάτων ( بمعنى: العريض )؛ مع العلم إن إسمه ما فيهوش حرف " ف " و لا فى اليونانية حرف " ط " ..
و نشوف إسم الفيلسوف اليونانى Ἀριστοτέλης أريستوتليس ( بمعنى: ممتاز النيَّة )، تلميذ أفلاطون ومعلم الإسكندر الأكبر, و إزاى العرب ترجموه لـ أرسطو؛ برضه حشروا حرف الـ " ط " فى إسمه, و حذفوا نُص إسمه؛ يعنى ممكن نقول أعطوه إسم دلع و كان ممكن يدلعوه بإسم ( طاطا أو طيطو و ممكن تيتو للتخفيف ) بدل من إسمه المكلكع بالنسبة لهم ..
و واحد زى الفيلسوف السكندرى ( Ἰωάννη ὁ Φιλόπονος بمعنى؛ المحب للإجتهاد ) جون فيلوبونوس (490 - 570 م )؛ لما نشوف ترجمة إسمه لـ " يحيى النحوى " ممكن نفهم إيه ؟
أكيد حا نفهم إنه راجل عربى من إسمه و صفته العربية و مش بعيد نفهم إنه هو إللى واضع ألفية بن مالك الحقيقى أو إنه هو نفسه سيبويه ..
طيب نشوف مثل معاصر زى الأمين العام السابق للأمم المتحدة كوفى أنان Kofi Annan الغانى الجنسية و نتذكر بداية تعيينه؛ و خروج الصحف المصرية – و معاها العربية - بترجمة إسمه لـ كوفى عنان؛ بالرغم إن إسمه Annan ؛ بس إحنا و بقدرة قادر سامِّيناه عنان فى محاولة لإضافة مَسحة عروبية لأصله, و إنه قريب أم السيد بالسويس, و الحاج برعى النقاش بالجيزة, و برعى عنان بالسويس و عبد الشكور عنان ببولاق, و نسيب عائلات أنّح بالأنفوشى , و عائلات الدكش و أبو رجل مسلوخة بالدرب الأحمر ..

و المشكلة الكبيرة إنك لَمَّا تحاول تبحث فى المراجع العلمية و العالمية؛ أو تستخدم محركات البحث الإليكترونية الغربية و العالمية عن أسماء أفلاطون و أرسطو و يحيى النحوى و عنان؛ مش حا تلاقى لهم وجود لأنك – لو مش عارف حقيقة أسماءهم – حا تضطر تكتبها حسب ما سمعت و شوفت أسماءهم بتتكتب إزاى فى المنطقة العربية و حا تضطر تبحث عن أفلاطون بهجاء Aflaton, و أرسطو بهجاء Aristto, و جون فيلوبونوس بهجاء Yehia Al Nahawy, و هكذا .. و أكيد محركات البحث حا ترد عليك برد ممكن يزعلك ..
إلى جانب إن أسماء الأعلام بلغتها لها معانى مفهومة و بعد تعريبها – و بمعنى أصح؛ بعد عجنها و شلفطتها – ما تلاقيلهاش أى معنى ..
يعنى ضرورى تُستُر مجالك و تخليك مع المراجع و محركات البحث العربية؛ لو مش عارف حقيقة أسماء الأعلام إللى بتبحث عنها و ما تعرفش غير أسماءهم بالعربية ( أو زىّ ما العرب سمُّوهم أو دلعوهم ) ..

آخر الكلام:
لو راجعت الجماعة إياهم إللى قايمين على ترجمات أسماء الأعلام من مختلف اللغات للعربية و سألتهم: أنتم ليه بتعملوا كده؛ حا يقول لك:
أنت نسيت نكتة الحمار أبو خمس رجلين و جناحين و بيطير وَلَّا إيه ؟!!

* النكتة باللهجة الصعيدية و هى إحدى ثلاث لهجات معتمدة حتى الآن دوليا للغة المصرية الحديثة مع السكندرية و القاهرية
و ترجمة مفردات النكتة كالتالى من الصعيدية للعربية:
أجول: أقول جول: قًل حاﭽة: شئ ما ليها: لها رﭽلين: أرجل ﭘاه: علامة تعجب
ما خبرش: لا أعلم ( ما؛ أداة نفى, ش؛ أداة تأكيد النفى فى نهاية الكلمة ) شوف: أنظر إييه: ماذا يكون / تكون
بجى: هل لع: لا





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,569,321,949
- إللى تؤمر بيه طال عمرك
- مصر مش قرعة علشان تتباهى بشعر حد
- إيه قلة الأدب دى ؟!
- وجوب فعل الشرشحة
- حصة كيمياء حرارية
- صفحة من تاريخ الضرب على القفا فى مصر المحروسة
- اللغة العربية من أفقر اللغات العالمية
- هذا ما جَنَاهُ علىَّ سيبويه و ما جَنَيّتُهُ على أحد
- الكيمياء علم المصريين
- سعيدة مبارك و حنكور المِفَشْ
- مصر القديمة كان إسمها كيمى مش كيميت
- ما بين الشرائع السماوية و الأرضية و الحداثة
- المصريين و أعيادهم الكثيرة
- أنا و إنجيل بوذا
- نتمنى حياة الجاهلية المتسامحة
- ميرى كريسماس .. و سلامتها أم حسن
- ما بين اللامؤاخذة و إسم الله على مقامك
- دين الفساخونيا
- أنا مناخوليا
- كلمات مصرية و أصولها .. أصل كلمة أهطل و طيشة فى اللغة المصري ...


المزيد.....




- وفاة الفنان الشعبي محمد اللوز أحد مؤسسي فرقة -تاكادة-
- العثماني بمجلس النواب لمناقشة مناخ الاستثمار وولوحات السياسة ...
- لافروف: حلمت بتعلم اللغة العربية
- الموت يفجع الفنان ادريس الروخ
- مظاهرات لبنان تعيد الحياة للـ -التياترو الكبير- الذي غنت أم ...
- تحفظ عليها سقراط وأربكت كانت وهيغل.. هل خدر الفلاسفة الثورات ...
- الرسم على الملح.. فنان يحوّل شواطئ البحر الميت لمعرض تشكيلي ...
- تريا الصقلي تطالب بإطلاق المسلسل التشاوري بخصوص حق مغاربة ال ...
- دموع عسكري لبناني تثير حرقة بقلوب فنانين ولبنانيين كثيرين... ...
- مونيكا لوينسكي تنتج فيلما بعنوان -15 دقيقة من العار-


المزيد.....

- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم
- التكوين المغترب الفاشل / فري دوم ايزابل
- رواية ساخرة عن التأقبط في مصر بعنوان - البابا / الصحفي الراحل في جريدة البديل اليسارية المصرية/ محمد ربيع


المزيد.....
الصفحة الرئيسية - كتابات ساخرة - أيمن غالى - الحمار له خمس رجلين و جناحين و بيطير