حليم تكلا
الحوار المتمدن-العدد: 5830 - 2018 / 3 / 29 - 09:00
المحور:
الفلسفة ,علم النفس , وعلم الاجتماع
في فن التمثيل فيه مدرسة اسمها مدرسة " الفعل الحركي " ، الممثل فيها لما بيجي يمثل اَي شخصية بيعملها "تاريخ" ، من يوم الولاده لحد اللحظة اللي انت بتشوفها بيها علي الشاشه ، ولذلك كل شخصية بيعملها الممثل ملهاش دعوة بالتانية ، وبيكتب تاريخ الشخصية في ورق ممكن يوصل لـ 300 و 400 ورقه ، والتاريخ هو اللي بيحدد اللازمات الكلامية والحركات العفوية للشخصية وتجاعيد وجهها واكسسواراتها حتي القعده اللي بنقعدها ، ومصادر خوفها وحقدها وكرهها ...الخ ، والتاريخ دا عبارة عن أنماط الحياة ماضي وحاضر ومستقبل الظروف والخبرات اللي انت مريت فيها وتركت اثر في كيانك ، كل قصة وابتسامة فوز أو عبوس أو هزيمة في معركة من معارك الحياة ، روحك المنهكة التي تشعر انها تركض منذ ولدت ولَم تصل ، الظلام الدامس الكابوسي الذي تراءة في أحلامك وكأنك مستيقظ ، المعجزة التي تنتظر إن يبعثها الله لك لكي ينتشلك من وحل الانهزام، قلبك الذي آدمي وتعضعض وانسحق ....الخ.
الهدف من البوست : أنك لما توصل لمرحله معينة من حياتك وتقعد تراجع تاريخك مينفعش ترفض مراحل الضعف أو تتألم من الأزمات إللي مريت بيها ، مينفعش تكون بتتفرج علي فليم أو بتقراء قصة وتكون عجباك وتحذف منها مشاهد لانها صعبة أو فيها الم ، لازم تقبل الحدوتة كلها ، لان كل جزء انت بترفضو هو اللي بيكون بيوضح ملامح القصة ويمكن يكون السبب في نجاح الحبكة الدرامية وإذا حذفته تبقي بتشوه ملامح الحدوتة وكأنها مبتورة ، دي حتي الاعاقات الجسدية أحياناً بتكون سبب في تميز أصحابها ، فيه ناس بتآكل عيشها من فشلها ، لازم تكون عارف أن لو اتعرض عليك انك تعيشها مره تاني ها توافق مش هاترفض !!!!...
#نهاية_سنة
#حليم_تكلا (هاشتاغ)
كيف تدعم-ين الحوار المتمدن واليسار والعلمانية
على الانترنت؟