سليمان الهواري
الحوار المتمدن-العدد: 5710 - 2017 / 11 / 26 - 22:24
المحور:
الادب والفن
انا غضبان
خمسطاش من النسا ماتو
على خنشة طحين كيف الفيران
الشعب بصح جيعان
اش قضينا
الى الوداد داتها
و حتى الرجا و جابو كاع الكيسان
اش قضينا الى مشاو الدراري روسيا
و ربعين مليون شاب بقا هنا فكعان
اش قضينا
الى طلقوا قمار صناعي قالو يحضيو الشعب
والبحر كلا غلتو اخنوش و رباعتو و مول الفدان
شعبنا مسكين لي هدر يغراق ف عكاشة
انفصالي بوليزاريو التهمة جاهزة واصلة لايران
شعبنا مسكين عايش عيشة الذبان
انا غضبان
**سليمان الهواري**
#سليمان_الهواري (هاشتاغ)
كيف تدعم-ين الحوار المتمدن واليسار والعلمانية
على الانترنت؟