سليمان الهواري
الحوار المتمدن-العدد: 5682 - 2017 / 10 / 28 - 01:31
المحور:
الادب والفن
سوّلْ
***
سوّلْ
المسيرة
قالو بيضة
و تاريخنا كحلْ
سوّلْ
الزلزال آش زلزلْ
ياك هوما ديما طالعين
وحال الشعب
عمرو تبدلْ
سوّلْ
بيادق هوما
شحال قدّك تغير
وجه بوجه
و هوما جميع من دار لالّلة
جايبين الرجْلْ
سوّلْ
ما بقى على من تعولّْ
الخبزة فْطيرَة
و الجوع غوّْلْ
الحايحة و الفضيحة
و التِّيلاد فار مشْلّل
سوّلْ
الزلزال مازال
غضبة كبيرة
ف صدور الاحرار مكلكل
آه يا ميمتي
يحييني الله
نشوف الضمسة بعيني
نشوف ولاد بلادي
و العز علامو
ف السما مسربل
سوّلْ
سوّلْ
لي فسدو و لي عاثو
لي تقهرو و لي فاتو
لي طغاو
و لي الحباسات كلاتو
دوام الحال من الموحال
بلادي يا بلاد الرجال
بلادي يا ولّادة
سكاتي خيانة وكلمتي شهادة
آه يا بويا سوّلْ
سوّلْ
ولاد بلادي
فيهوم على من تعوّلْ
والظلم حبلو قصير
مهما طوّلْ
سول
** سليمان الهواري**
#سليمان_الهواري (هاشتاغ)
كيف تدعم-ين الحوار المتمدن واليسار والعلمانية
على الانترنت؟