أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - مواضيع وابحاث سياسية - مصطفى راشد - نصيحة أخوية لرئيس احببناه














المزيد.....

نصيحة أخوية لرئيس احببناه


مصطفى راشد
الحوار المتمدن-العدد: 5672 - 2017 / 10 / 17 - 13:26
المحور: مواضيع وابحاث سياسية
    


كـلـمـة مـن مـواطـن مـصـرى:
للـسـيـد/ عـبـد الـفـتـــاح الـسـيـسـي رئـيـس الـجـمـهـوريـة: المخلص الذى أحببناه وانتخبناه
1- سيبك من شماعة الإخوان دلوقتي الناس كرهتهم وعرفت حقيقتهم ..و امنع اضطهاد وابعاد المعارضين الوطنيين السلميين علشان متزعلش مؤيديك ..خلي الناس تتنفس حتى لو اختلفوا في رؤيتهم لسياساتك... واحمى البلد من خطورة السلفيين ويجب مواجهة الفكر الإرهابى قبل المواجهة العسكرية وإلا ستستمر العمليات الإرهابية لأننا نقتل بعض الناموس ولا نردم المستنقع الذى يفرخ الناموس

2- أمنع استيراد أكل القطط والكلاب. والشوكلاتات وبنس الشعر والشيبسى والجبنه والمكرونات الملونه وسجاجيد الصلاه والبراويز والشمع وكل الحاجات اللى مش هنموت من غيرها وشوف هتوفر دولارات أد ايه.
3- امسك الكتب الخارجيه وأعمل كتب الوزاره زيها وامنع طباعة الكتب الخارجية.. هترحم الأهالى وهتوفر مليارات.
4- عندنا استعداد جميعا نستغنى عن البراندات ونلبس خيش ونمسك شنط خضار وجزم من باتا .. ولما تعطش السوق هتلاقى المصانع المصريه للبس والجلود هتشتغل وشغل نضيف كمان .. مفيهاش حاجه منبقاش كلاسى وستايلش أربع خمس سنين عشان خاطر بلدنا..بس نكون كلنا في الهوا سوا ..يعني مانلاقيش المحظيين متمتعين وبقية الشعب يربط الحزام..لان المساواة في التقشف عدل.
5- امنع الحياة السياسية بقانون أو بالدراع عن كل حرامى وحزب وطنى من ايام مبارك وكل متطرف دينى فى الاعلام والصحف والقضاء ومعلش تعالى على نفسك وكن ديكتاتوريا فى النقطه دى بالذات.ماجتش على دي يعني ياريس ونحرص فيها على الحريات..!
6- اقاله جميع اللواءات اللى ماسكين كل خرم ابره فى الدولة كفاية عليهم الامتيازات اللي عندهم..وكفاية عليهم شغل كده يستريحوا شويه بقى ويلعبوا مع أحفادهم وعين كفاءات وما أكثرهم حتى لو معارضين ..المهم انهم وطنيين.
7- معاش مبكر لكل رؤساء الاحياء والمناصب الكبيره وعين شباب معروف عنهم الشرف اكيد هتلاقى حبه شرفاء لسه موجودين فى البلد يعنى.
8- اى فلوس تبرعات تجمعها لأى صندوق تعمل بيها مشروع حي قدام عنينا أول بأول نشوفه
9- اوقف نزيف الملايين اللى بياخدوها مستشارين المصالح الحكومية.. و اللى عاوز يشور علينا ببلاش يتفضل واللى مش عاوز يتنيل يقعد فى بيتهم كده كده شورتهم بتبقى سودا..!
10- اقفل كل قنوات العهر والرقص وإعلانات الجنس والشعوذة الوسخة لو عاوز تقبض على أصحابها بتهمه النصب او نشر الفسوق هتعرف توصلهم كويس.
11- أجمع أصحاب شركات الإنتاج السينمائي والفنى مع السيناريستات والمؤلفين والموسيقين المحترمين وحطوا خطة للنهوض بالفن والذوق العام والثقافة.. ودي قوة مصر الناعمة وصناعة تدر عوائد استثمارية لامثيل لها..وتعتبر أهم نقطة يمكن أهم من قناة السويس بالتفريعة بتاعتها
12- عين وزير ثقافة مثقف. قوى فى مواجهة الفكر الإرهابى منتصر لحرية الرٲى السلمية
13- الجيش ما يدخلش البلد يمسح ميه ولا يسلك بلاعات ولا يكرع العيال الصغيرة بعد ما تأكل..! الجيش فى ثكناته والحاجات دى ليها ناسها بس انت اختارهم صح.
14- الوزير الفاشل يخرج منها بمرتب آخر منصب قبل الوزارة.
15- اطلب من كل رجل أعمال إنشاء مصنعين فى محافظتين مختلفين مقابل الارض والاعفاء ضريبى واعلانات مجانية. ونوقف بناء المساجد والكنائس والحج والعمرة ونوجه اموالهم لبناء المستشفيات والمدارس والمصانع وانقاذ اطفال الشوارع لٲن الزكاة تقدم على كل العبادات
16- اللى يسرق يتحاسب واللى يتسبب فى كوارث إهمال يتحاسب واللى يحرض على الآخرين يتحاسب ونرفع قانون ازدراء الاديان اللى بيستخدمه بعض القضاه الدواعش ضد من لا يعجبهم رأيه
17- هات 2؛ 3 شباب متخصصين ودارسين فى كل قطاع من قطاعات الدولة وياحبذا يكونوا معارضين .. هتسمع منهم اقتراحات وحلول سحريه للنهوض بالقطاع.. عشان موضوع الدهن فى العتاقى ده فى الفراخ والبط بس مش فى الكفاءات البشرية.
كلها حاجات تافهه وبسيطة...بس بتفرق.
18 - أعمل تقشف حقيقى فى الحكومة مش معقول اسطول سيارات فى الرياسة واسطول بالوزارات والمحافظين و 366 قصر واستراحة للرياسة فى بلد فيه ناس بتاكل من الزبالة اعتقد تحويل 95% من هذه القصور والاستراخات لمتاحف او مدارس او مستشفيات او مصانع التصرف المفروض هذه الايام
صدقنى لو مش بحبك مش هقولك النصيحة دى





رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 2,818,897,514
- لا يوجد مانع شرعى من اعدام المسلم قاتل غير المسلم
- قصيدة لكل مختل دينياً
- تم هدم الكعبة المشرفة 4 مرات
- حوار صحفى مُنع نشره
- الطلاق بدون إشهاد وإثبات لا يقع
- الرد على الممثلة حنان ترك
- سن الزواج الشرعى للأنثى 18والذكر 21
- لا سلطان للجن أو للشيطان على الإنسان
- قصيدة عيون حبيبى ملهاش نهاية
- قصيدة سلام ياوطن
- إسرائيل الفلسطينية
- الشماتة فى إعصار إيرما ٲو ماريا
- حوار قبل النشر
- التوقيت الصحيح للحج
- تعدد الزوجات حرام شرعاً
- زواج المسلمة من مسيحى أو يهودى مباح شرعاً
- رواة الأحاديث الستة لا يتقنون العربية وماتوا ببلادهم الفارسي ...
- أغسطس الوقت الصحيح لصيام رمضان
- عيوب نظام التقاضى المصرى
- زواج المتعة شرعى وزواج الإنترنت جائز بشروط


المزيد.....




- القتال بالحديدة.. مدينة مشلولة وتضارب بشأن المطار
- مسؤول يمني يكشف لـ-سبوتنيك- أسباب عودة المبعوث الأممي إلى صن ...
- أسبوع لأزهار بريطانيا
- للمرة الأولى في إسرائيل... سجين يتحول جنسيا لإمرأة
- الفطور الصحي ..كيف تحضر فطور مميز ويحميك من الأمراض؟
- مخاطر الحرمان العاطفي عند الأطفال
- واشنطن وعملية السلام من منظور ترامب
- تحليل مباراة (مصر-روسيا)
- منظمة التحرير: الولايات المتحدة دعت للتخلص من القيادة الفلسط ...
- أردوغان: سنواصل عملياتنا في سوريا والعراق


المزيد.....

- ليون تروتسكي حول المشاكل التنظيمية / فريد زيلر
- اليسار والتغيير الاجتماعي / مصطفى مجدي الجمال
- شروط الثورة الديمقراطية بين ماركس وبن خلدون / رابح لونيسي
- القضية الكردية في الخطاب العربي / بير رستم
- النزاعات في الوطن العربي..بين الجذور الهيكلية والعجز المؤسسي / مجدى عبد الهادى
- مجلة الحرية المغربية العدد 3 / محمد الهلالي وآخرون
- مفهوم مقاطعة الإنتخابات وأبعادها / رياض السندي
- نظرية ماركس للأزمات الاقتصادية / ستيوارت إيسترلينغ
- الإسلام جاء من بلاد الفرس / ياسين المصري
- التغيير عنوان الانتخابات المرتقبة في العراق / رياض السندي


المزيد.....
الصفحة الرئيسية - مواضيع وابحاث سياسية - مصطفى راشد - نصيحة أخوية لرئيس احببناه