عادل عياد
الحوار المتمدن-العدد: 5621 - 2017 / 8 / 26 - 03:45
المحور:
الادب والفن
بتتحرك بروح ساحره
وبمعرفة عرافه
عارفه فين بيخبي الليل القدر
وبتقدر تسحب القمر
وتركع الضوء لسلطة عنيها
وببديهه موروثه فيها من ملايين السنين
بتقرا لكفوف الارض الحياه
وتحول العدم لكائن ملموس
وببساطه بتبث في الخرافه الواقع ...
بتتحرك بسحر
بيغير شكل الحياه للفراشات
وبيخلق للورده عطرها
وبيدي للحلم الأمل
وبيفرض طقوس السلام على المارين
باختصار
بتحول دنيا النار لجنه ...
بتتحرك
والرغبه فطره
والفكره رغبه مش محتاجه تنبؤ
ولامحتاجه بلورا تكشف النهارده أو بكره ...
بتتحرك
وبيتولد في كل خطوه سعاده
تعيش الشهوات باستمتاع
كل الشهوات المولوده فينا
هو ده المعنى الحقيقي للسعاده ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟