عمر عزيز النجار
(Omar Aziz Elnaggar)
الحوار المتمدن-العدد: 5599 - 2017 / 8 / 2 - 11:07
المحور:
حقوق المراة ومساواتها الكاملة في كافة المجالات
كفاية كده تيجي عليا *******تهين كرامتي وانا ابتسم
اصبر عليك واقول طريق******* بايدينا احنا بيترسم
لكن تعبت وقلت لا******* الموضوع ده لازم يتحسم
كم من ليالي ابات وحيده***** دموعي نازله زي سيل
ولا مرة جيت تاخد بخاطري*** تقول حبيبتي مستحيل
اقصد اهينك لأ أكيد********* ده بس م الحمل التقيل
فاكر زمان
انا كنت نجمة في السما****** والكل كان يحلم يطول
وانا كنت فوق اسأل سؤال ****والكل يوجد لي الحلول
سبت الحياة والدنيا واخترت** اني اكون جنبك ع طول
جاي تكافئني في النهاية***** بعد ما ضحيت سنين
تطردني من قلبك كفاية**** تقولي فاكرة ان انتي مين
#عمر_عزيز_النجار (هاشتاغ)
Omar_Aziz_Elnaggar#
كيف تدعم-ين الحوار المتمدن واليسار والعلمانية
على الانترنت؟