طالب الجليلي
(Talib Al Jalely)
الحوار المتمدن-العدد: 5549 - 2017 / 6 / 12 - 23:08
المحور:
الادب والفن
انا أدري ابروحي
واعترف
تيّهت مو بس الدرب
تهت..
صارت الروح العزيزه
أطشّٓنها، من حزني.. نذر!!
للجايب ابشاره
يردلي أمس ولكيه!
مو مثل هذا الوكت
حلو بعده
أمسنا..
اوما خرب...!!
امس مثل الوشم
يظل طول العمر
محفور تذكاره
أمس.. جان الوكت
غركان بالهم!!
لكن الأشجار خضره
مثل الروح
جنها توها غسلتها مطره!!
يمكن للعمر حوبه!
يمكن جان الأمل وردي
والمحبه تتمشى ابغنج
ذاك الوكت بدروبه
جا شجاها ( بعض)!! الناس
جنها الناس موش الناس!
حشاها ان كلت
ياحيف..
جنها اجلاب مجلوبه !!
....
......
12 حزيران. 2017
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟