طالب الجليلي
(Talib Al Jalely)
الحوار المتمدن-العدد: 5357 - 2016 / 11 / 30 - 02:16
المحور:
الادب والفن
والله يا زمن
من زغرنا ..
زرعنا عود اشوية
من بذرات الأمل..!
سكيناها من
ساعات السهر
ودموع دخان الفوانيس
اوكطفنا البراعم ..
ياحسافه باكات
حسرات امغمسه
ابخيبه
والوطن صابه الشلل !!
والله .. يا زمن !!
جانت الدنيا تمطر
محنّه !
والدرابين ابفكرها
تتلاكا بيها فرحه
اومحن..!
لا حقد جار اعلى جاره
ولا ضم عنده غير الغيره
والمحبه
راهنهنن لعِد روحه
رَهَنْ...!!
والله يا زمن
وك حٓسافه طشرنا الوكت
مدري أعاتب الله
لو أعاتب دين ( تالي الوكت)
لو أرش كل حقدي علطائفيه
والضباع الضيعت هذا الوطن
اوبيها تالي العمر
كل شريف امتحَن..!
والله يا زمن ....!!!
29 تش2 ..2016
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟