يبو الله لا ينطيك كريستيانو !!!!!

عماد عبد اللطيف سالم

الحوار المتمدن-العدد: 5336 - 2016 / 11 / 7 - 00:17
المحور: كتابات ساخرة
    

يبو الله لا ينطيك كريستيانو !!!!!

اخوان ..
آني ريالي - عنصري - طائفي - تكفيري - متعصّب .
بس تره الطوبة اللي ضربها رونالدو (صاروخ ماديرا) بالدقيقة 91 من المباراة مع فريق ليغانيس ، لو "أليغانس" ، لو "ابن نفاس" ( لو مدري شنو اسمه)..
هاي الطوبة وكَعتْ يم بيت "حَبّوبتي" بسبع البور !!!!!! .
يكَولون من وِكَع "الصاروخ" ، و كَبّتْ العجاجة .. حبّوبتي جِفْلَتْ .. وعاطتْ : يبو الله لا ينطيك كريستيانو !!!!! .
أخوان .. بيعوه .
هيّه مال صواريخ .
تره إحنه شبعانين صواريخ .. إي شفتو فد يوم صاروخ منهن كَوَل .. غير الكَواله اللي فاتتْ براس المكَاريد ؟؟ .
وهذا زيزو .. سرّحوه .. وشوفوا يا نادي يلفّيه .
لأن اذا لعبنا ، إحنا "الملكيّين" ، ويّه فرق قويّة وجبيرة .. مو ويّة ذنّي الفرق جماعة " ألبو نفاس" .. طوباتنا (يعني صواريخنا) راح توكَع بهور رجب .. و بعرب جبور .. و بحيّ العامل .. و بصبخاية العرب .. وبخمسة ميل .. وبالسيديّة و الحُريّة .. لا أشو و بحي "الجهاد" همّاتين !.

#عماد_عبد_اللطيف_سالم (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات