عادل عياد
الحوار المتمدن-العدد: 5309 - 2016 / 10 / 9 - 04:47
المحور:
الادب والفن
وقت فضا
ومكان فاضي
بين الكواكب في الفضا
في المدار
بتدور براويز
كل منهم ليه أطار
بحبل دايب
متعلقين على النجوم
وجوه صخورها الدهبيه
لما تقع
بتتدفن ..
تايه كل لون
مريض عمق كل تفصيله
والسفينه في اللوحه خطفها قرصان
من الصوره بتروح ضحكه
وضحكه ورا ضحكه
بتروح
لحد مايقفل البرواز ..
على ورقه بيضه
وينفتح فلاش كاميرا
وترجع الصوره للبراويز
وصوره ورا صوره
وضحكه ورا ضحكه
وتروح روح
يخدها الريح
وتسكن هنا
روح مزيفه مرسومه بقلم رصاص
وحياه مكتوبه بحبر طيّار
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟