يا ريتها كانت بركت وفطّست العجينة

فاطمة ناعوت

الحوار المتمدن-العدد: 5305 - 2016 / 10 / 5 - 08:43
المحور: كتابات ساخرة
    

السيناتور الملهم بيشجع الختان "الجائر”. يعني وأنت ماسك الموس وبتقطّع في لحم البُنيّة، بحبح ايدك وحفّ قوي وقص حتة كبيرة ولا تخف في الختان لومة لائم لئيم. بيقولك إن الستات في مصر لازمن ولابد يقفوا جنب الرجالة في محنتهم اللي حار الأطبا في علاجها. البنات الصغيرات لابد أن يقطعن من لحمهنّ الحيّ قطعة، لكي يعوّضن عجز الصبيان الذين حين يكبرون سيصيرون عدم اللامؤاخذة بعافية في أمور السيكو سيكو! هي مالها قلبت فصحى كده ليه؟ ما كنّا ماشيين كويس! وهي مش طالبة فصحى الحقيقة لأن الحكاية بقت تيكيلام على الآخر!
المشكلة مش في قطعة اللحم اللي بيقطعوها من الطفلة فتسبب لها عقدًا نفسية ومشاكل صحية وأزمات عاطفية لما تكبر وتتجوز. المشكلة إن جناب السيناتور أطلق رأيه القاطع الحاسم على كل رجالة مصر ورماهم بالعجز الجنسي! بس الشهادة لله، الراجل رجع في كلامه في آخر التصريح الصحفي وقال إنه بيتكلم عن نفسه بس. طيب يعني المطلوب ندور ندبّح في بنات الناس عشان خاطر عجز جناب حضرتك؟ هو أنت ناوي تتجوز كل بنات مصر يا عم عجينة واللا ايه؟ فكرتني بواحد اسمه "شايلوك" في مسرحية لواحد اسمه "شكسبير”! تعرفه؟ يا عمّ إذا كنت مش عارف ايه هي العلمانية هاتعرف شكسبير وشايلوك؟! بلا خوته! يا ريتها كانت بركت عليك ولخفنت العجينة.

بس مصر جميلة خليك فاكر.

#فاطمة_ناعوت (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات