عادل عطية
كاتب صحفي، وقاص، وشاعر مصري
(Adel Attia)
الحوار المتمدن-العدد: 5228 - 2016 / 7 / 19 - 23:47
المحور:
الادب والفن
ياللي جاي بفاسك ورا راسك،
في عز الليل..
وشهوتك،
ورغبتك:
تمحي كنيسة..
عروسة قديسة..
ونور في الليل!
كاتب في دفاتر ظلمك: ذنبها..
أنها:
رافعة الصليب.
بتشهد للحبيب!
يا أبو عقل تايه في ظلام شرك،
وفاكر بسيفك المسلول:
بترضي ربك!
أسأل نفسك، سؤال..
وسؤال:
ليه أهدم كنيسة بتمد فؤادها بالمحبة،
والوئام..
وتمد ايدها بالسلام؟!..
ليه أهدم كنيسة راكعة للصلاة..
بتسبّح في مجد الله؟!..
يا قلب صلد كالحجر.
يا قلب حاقد على البشر.
حتى لو انهارت حجارتها في ايديك.
حتى لو انطفت منارتها في عينيك.
هيّه باقية في الخلود.
هيّه فوق كل الحدود.
فأحنا الكنيسة.
وأحنا الصلاة!
#عادل_عطية (هاشتاغ)
Adel_Attia#
كيف تدعم-ين الحوار المتمدن واليسار والعلمانية
على الانترنت؟