الناس كلهه اتغيرت ياللاسف

عباس طريم
كاتب - وشاعر
(Abbas Trim)

الحوار المتمدن-العدد: 5205 - 2016 / 6 / 26 - 14:46
المحور: الادب والفن
    

عباس طريم
_______


الناس كلهه اتغيرت ياللاسف

_____________________

عباس طريم
_

الناس كلهه اتغيرت ياللاسف
ونسوا في قاموسهم جلمة
شرف
+
لا تذكرنه ابخلق ذاك الزمان
زمن ذاكه ابطيب , وابخير
انعرف
+
كل شي عدنه اتغير وصار اللئيم
حيل يتمرد اذا زيفه
انكشف
+
للاثم شدينه .. وابشطه الغميج
منه شربة ماي كل واحد
غرف
+
الناس كلهه اتغيرت , يبن الحلال
المال , بس المال صار الهم
هدف
+
والثكيل الوزن , واتظنه رزين
طار وياهم , بعد ما وزنه
خف
+
واللي حافظ عالصفات الطيبات
ويه هذه الموج والهوسه
انجرف
+
المال هذه اليوم , سيطر عالعقول
وسلب كل رحمه , ومحنه امن
السلف
+
احنه صرنه اليوم , بياعت كلام
ايجذب الحجاي , حته لو
حلف
+
عدنه الة عود , قانون وكمان
وكلنه فنانين ونجيد
العزف
+
احنه اهل الغدر , والشر والنفاق
ابليس وسط احلوكنه ابصوته
هتف
+
نطعن الصاحب ابظهره , ومن يفيق
ابترس ادينه , وبالوجه نطيه
جف
+
نشرد امن الطيب , الابعد مكان
والردي البينه , نجيه نزحف
زحف
+
احنه شط اتلاشه , من كثر النفاق
ومنه ماظل غير اثار
الجرف
+
احنه جلمه , وجلمه معناهه جبير
انقرضت , وظل منهه واضح
بس حرف
+
احنه حته اليدعي , ابعلمه عظيم
هوه والنصاب صار ابفرد
صف
+
الوصف حدد , كل جماعة ابكل زمان
واحنه بينه احتار شيكول
الوصف
+
كلشي عدنه انكلب , صار الغش حلال
وصار بالغش والنصب عدنه
ملف
+
يالجنت تتوسل , ودمعك يسيل
وتشكي من الضيق والحر
والنزف
+
ما دريتك خاين , وذيب ولعوب
تقابل المعروف بالشر
ياصلف
+
راح تتفاجأ , يبو السان الطويل
وراح صوتك بالحقائق
يعترف
+
الله عادل , والظلم لتظن يدوم
اليوم لو باجر يبان
وينكشف
+

ما اتركك , لا وحق رب السماء
لو تعوضني ابكل درهم
الف

#عباس_طريم (هاشتاغ)       Abbas_Trim#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات