عقيل الفتلاوي
الحوار المتمدن-العدد: 5103 - 2016 / 3 / 14 - 02:50
المحور:
الادب والفن
ليلة ما قبل يوم امس ماشفت النوم للصبح بسبب الالم الشديد لوجع ( السن ) واتمنيت شوكت يطلع النهار وارتاح واشوف چاره لهل وجع .. المهم صار النهار ورحت العصر لطبيب الاسنان وبعد الفحص ( هز راسه الدكتور ووخر الكمامه ) گلتله بشر خير دكتور .. گال ماكو كل فائده لازم ( قلع ) .
گلتله دكتور مابيه منا منا علاج , حشوه , تصليح .
گال ميفيد لان الجذر منتهي وتالف مايفيد الأ ( شلع , قلع )
واني گاعد على كرسي الطبيب گلت ( الف رحمه ونور على روحك ياسيد محمد صادق الصدر ).
لأن فعلا" مايفيد ويه ساسة حكومتنه لاأصلاحات ولا تصليح ألا ( شلع قلع ) على قول سيد مقتدى .
لأن جذرهم يعني اصلهم تعبان وخايس ( حاشى القراء ) ما تفيد كل چاره وياه عدا (( الشلع والقلع )) ..
و سلامتكم يطيبين
#عقيل_الفتلاوي (هاشتاغ)
كيف تدعم-ين الحوار المتمدن واليسار والعلمانية
على الانترنت؟