جان نصار
الحوار المتمدن-العدد: 5084 - 2016 / 2 / 24 - 17:59
المحور:
كتابات ساخرة
هاي يا جماعة كانت جملة بوش الابن الشهيره في عدوانه على العراق لما جمع التحالف الدولي مشان يوخد شرعيه لضرب العراق وكان من ضمن التحالف النظام السعودي اللي من انجازاته وصول العراق الى ما عليه الان من تشرذم وتفتيت وتقسيم وصراع طائفي وفساد وارهاب و و و. يعني فضل الحكام السعودين على اخوتهم العراقين محفوظ ليوم الدين .
السعوديه وهي الطالب النجيب والخادم المطيع لامريكا حفظت الدرس واتعلمت من من البغ بوس العم سام مصتلح ماشي عليه واللي هوبقول:اللي مش معنا فهو علينا وضدنا.
بداية اتفقوا ضمنيا همي والفوله اللي انقسموا معها نصين (اي السعوديه وايران) الى تقسيم العالم الاسلامي مذهبيا لسنه وشيعه.اللي بتزعم السنه هي السعوديه وايران الشيعه وزرعوا الصراع الطائفي والانقسام المذهبي والكراهيه بيناتهم على اساس يا انتو يا احنا.
السعوديه بتطمح لزعامة العالم السني وبدها تناطح السحاب وكل دوله من دول العالم الاسلامي السني بدها اياهم يدخلوا بعبها وحضنها وتسيطر عليهم وكل دوله بتعارضها او ما بتمشي حسب رأيها بتحسبها عدوه.
بعد ما خربطت الاوضاع وشقلبت الدنيا بتدخلاتها في العراق وسوريا واليمن وترطيش بليبا على ما يظهر انو اجى الدور على لبنان ,,, رغم انها دولة بمعمعان واي شراره بتتحول لبركان واثار الحرب الطائفيه بعدها واضحه للعيان والجماعه اذا ولعت راح يطلعوا من بر الامان .
اللي احنا كشعوب مش فاهمينوا انتو يا حكومة السعوديه وحكومة ايران ليش ما بيتدقو ببعض وتولعوها مباشره بين بعض بدل ما تعملولنا حروب بالوكاله في سوريا والعراق واليمن وهاي وصلت للبنان.
يعني كتير صعبه تكون الحرب مباشره بين ايران والسعوديه بالبث الحي والمباشر فقعتوا مرارتنا وطلع خلقنا وانتوا عاملينا كشعوب عربيه حقول تجارب لبث سمومكم واظهار كراهيتكم لبعض.
لو تركتوا كحكام الشعوب والمذاهب تيتفقوا انا متأكد انو اكيد الحرب مش راح يكون الخيار الاول بين الاطراف.
دخلكم يا ال سعود عمركم سئلتم شو بدو الشعب وهل هو مع الحروب او لا وهل يعشق الحياه مش الموت .
مين اللي يقتل اذا صارت حرب اقليميه الشعب والا العائله المالكه والطبقه الحاكمه.
السعوديه زعلت على لبنان مشان ما صوتوا مع السعوديه بادانة ايران ورفضهم تأيدها والانضمام الى تحالفها العسكري,.مش عارف اي تحالف فيهم لانو السعوديه كل اسبوع بتتحفنا بتحالف جديد وبطل الواحد يجمع على التحالفات ولاي منهم على الدول انها تنضم.
من الاخر اللبنانين وقفوا على الحياد لانهم ملسعوين من الحرب الاهليه ووضعهم الداخلي هش ومئلئز وعلى كف عفريت بلد طائفي بأمتياز واذا خمسين واحد صاحوا بالصوت العالي لتولع توليعه ربنا ما في يهديها.
السعوديه قررت عدم دعم الجيش اللبناني بشراء اسلحه دفاعيه من فرنسا بقيمة 3 مليار دولار واللي خسر الصفقه همي الفرنسين ومع هيك مش لازم يخافوا بتتعوض.
ايران استعدت انها تدفع المشاريب وحساب كل الطاوله اذا قدم طلب بوس مؤخره من اللحكومه اللبنانيه نكايه بال سعود.
البعض بقول انو الازمه الماليه السعوديه كان الها دور رغم استبعادنا لهيك شي,, لانو المبلغ هو عباره عن دخل يومين ونص للسعوديه وما بجوش اكتر من ضربة حظ على طاولة بوكر بلاس فيغاس.
البعض بقول عدم نجاح السعودين نتيجة ضغطهم على الحكومه اللبنانيه بالافراج عن الامير السعودي بوكيمون ابن بنتاغون صاحب ومروج حبوب الكبتاغون بعد ما قرر القضاء يقول كلمته انو الامير ما راح يتزحزح من هون.
البعض بقول بسب حزب الله ودخوله الحرب السوريه .
لكن على ما يظهر انو تغير قواعد اللعب في سوريا وانو الميزان اتعتدل والاسد مش طاير هاليومين رغم استماتة السعودين وتحالفهم التركي الاماراتي الخليجي القطري.ففكروا السعودين بانو وين الغلط لو ولعت توليعه اخت شلاتي في لبنان من جديد بين الاطراف جميعها وهيك بنجر حزب الله لحرب طائفيه لبنانيه اهليه وبختلط الحابل بالنابل واكيد الكل راح يأجر .الشيعه والسنه والمسيحين والدروز.
حرب بمشاركةحزب الله بدعم من ايران,, والسنه وقسم من المسيحين ويمكن الدروز بدعم من السعوديه طالما اننا بموسم الحروبوفي تنزيلات على الارواح..
اكيد اذا تتدخلت اسرائيل بجنوب لبنان فبصير على حزب الله يحارب على تلات جبهات سوريا ولبنان واسرائيل.
يمكن الكثيرين يستبعدوا هيك سيناريو لكن مع الاسف ال سعود هايجين زي الثور الابرق خصوصا بوجود ملك خرفان بعرفش بالحسابات والموازين الدوليه ومش هامو وين توصل الامور وولي ولي عهده المقامروالمغامر المتهور والمغرور والمغرربه اللي مش سأل على مصلحة بلده وحياة ابناء شعبه.
يقال ان هناك وديعه بالبنوك اللبنانيه بقيمة 800 مليون دولار ستسحب...الطلب من المواطنين السعودين والامارتين عدم التواجد في لبنان.الاستثمارات السعوديه والخليجيه في لبنان تتجه للتوقف والتجميد والتراجع.بيع اراضي واملاك وعقارات السعودين والخليجين جاري بوتيره متسارعه وكأنه نشوب النزاع والحرب الطائفيه اصبحت على قاب قوسين.
السفاره الامريكيه في عمان الاردن تقلص بشكل كبير عدد موظفيها والمطالبه من الامريكين الزائرين الابتعاد عن منطقة الشرق الاوسط لبنان والاردن تحديدا.
يا ترى شو اللي عم ينطبخ بالمطعم السياسي الامريكي بادارة الشيف السعودي ومساعده التركي.في شي طبخةمقلوبي تقلب الفوقان تحتاني اكثر منما هو مقلوب.
اذا ولعت بلبنان فالدور على الاردن وهيك سيحرق الخليج وايران باللي فيه وما على الشعوب الا السلام.
الامارات صارت الشقيق التوئم للسعوديه وصاروا شريك مضارب على الحلوي والمره مع العلم انو ما في شئ حلو.
لاء والانكي انو الامارات عينوا تلات نسوان في وزارات السعاده والتسامح والشباب.
سؤالنا هل مقتل اكثر من 75 جندي اماراتي جاب السعاده لاهل هؤلاء الجنوداللي قتلوا في حرب اليمن .
وين التسامح الاماراتي اللي خصص له وزاراه تجاه شعب شقيق هو اليمني.
هل وزارة الشباب اليوم تهيئ مع وزارة الدفاع الاماراتيه جنود جدد للانضمام الى حروب جديده ستدعمها او تعلنها السعوديه من منطلق انصر اخاك ظالما ام مظلوما.
اعتقدنا ان الامارات ستكون حمامة سلام بين الاطراف وستهدي اللعب لكن مع الاسف بأول هزه بانوا على انهم تابع وشورهم مش من راسهم بل من شور ال سعود.
با حضرة الكاتب زعماء دول الخليج كلهم نسخ كوبي عن بعض ولازم يحموا حالهو لانو اذا طار واحد منهم بطيروا الباقي .فكر بالعقل اللي عندك بدل هالمزهريه اللي حاطتها براسك.
#جان_نصار (هاشتاغ)
كيف تدعم-ين الحوار المتمدن واليسار والعلمانية
على الانترنت؟