الكوكب التاسع

روماني سمير
كاتب, باحث, شاعر, مبرمج
(Romany Samir)

الحوار المتمدن-العدد: 5053 - 2016 / 1 / 23 - 17:19
المحور: الطب , والعلوم
    

ناسا اعلنت امبارح انهم اكتشفوا كوكب تاني .. بس المفاجأة المرة دي ان الكوكب دة في المجموعة الشمسية بتاعتنا .. بس في الجزء الخارجي منها .. ومش مجرد كوكب عادي .. دا كوكب غازي عملاق .. كتلته 10 مرات كتلة الارض .. او بمعني تاني حجمة 3 مرات حجم الارض .. وبيبعد عن الشمس مسافة من 200 ل 300 مرة ابعد من كوكب الارض .. والكوكب دا بيكمل دورة كاملة حول الشمس في 10 ل 20 الف سنة .. يعني السنة بتاعته ب 20 الف سنة من عندنا .. وبيعتبر من ابعد الكواكب عن الشمس .. بعيد جدا ..

اكتشاف الكوكب دة كان بمحض الصدفة .. وباختصار وبشكل مبسط .. في علم الفلك .. مش شرط يتم رؤية جسم في الفضاء عشان يتأكد وجوده .. وجود جسم سواء كوكب او نجم بيبقي معلن بجاذبيته وتاثيرها علي الاجسام اللي حواليه في الاول .. ودا اللي حصل هنا مع براون وباتين اللي اكتشفوا الكوكب .. اتنين باحثين كانو بيدرسوا التغيرات في حزام كايبر .. وحزام كايبر دا عبارة عن مجموعة من مليارات النيازك والصخور الصغيرة بيتحيط بالمجموعة الشمسية زي الحزام كدة من برا .. وبيبدأ من نبتون لما بعده .. زي حزام الكويكبات اللي بعد المريخ كدة بس اعرض منه بكتير .. المهم .. من خلال دراستهم لبعض الكويكبات في الحزام دة وملاحظة مسارتها .. لاحظ انه في تاثير لجاذبية جسم كبير علي مسارات بعض الكويكبات دي .. وبشوية حسابات اكتشفوا وجود الكوكب دة ..

حاليا مدار الكوكب هو اللي معروف .. لكن مكانه بالظبط مش معروف .. واغلب التليسكوبات العملاقة موجهة للبحث عن الكوكب دة والتقاط صور ليه .. وتم نشر الخبر دة لتشجيع باقي الفلكيين في البحث عنه .. وبكدة المجموعة الشمسية رجعت تسعة تاني بعد طرد بلوتو ..

الخبر علي موقع ناسا الرسمي : http://solarsystem.nasa.gov/news/2016/01/21/caltech-researchers-find-evidence-of-a-real-ninth-planet

#روماني_سمير (هاشتاغ)       Romany_Samir#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات