طالب الجليلي
(Talib Al Jalely)
الحوار المتمدن-العدد: 5038 - 2016 / 1 / 8 - 22:49
المحور:
الادب والفن
لملمت روحي اعلا روحي
اورحت ..
مثل الجباشه ابثنايا الهور
تتراكس امراكس ..
جباشه اوخذاها الماي ..
أيّست
مامش طعم بالروح
والكلب
ماكل كل كتر منّه
اوكلاه الداي ..!!
أغمس بالدمع
حزني
اوغربتي اوحسرات
مخنوكه ..
مثل طير انذبح
توّه..!! ويرفرف
لا أشمت اعداي..
عمر
مر مثل الشراره اوطفت
يا حيف
بس طبفك امرافكني
رفجة جرف للماي
جا هلبت نست روحي
يا وكاحتها ..!
هلبت اسنين المضن
شوكي اوجمراته
بفراكك طفن
أمس ..!
ما جنّه عمر اوكضى
ابلياك..
جنّي لاكيتك أمس!!
اوكل لحظه
يندهني
يلمسني
عطرك لمس !!
موش انا
أحلفلك..
روحي
اشما طالن اسنين الهجر
تردس الأيامي ويامك
أوكل لحظه من عدهن
ردس..!
7 ك2 2016
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟