عادل عياد
الحوار المتمدن-العدد: 5029 - 2015 / 12 / 30 - 00:36
المحور:
الادب والفن
إشتري خيال
يعيش معاك عمرك
ضمان مدى الحياه
ويفضل دايماً في ضلك
يضحك يجري و يلعب
ياخدك معاه ويطير
فوق أحلام الحياه
يعرف الحاضر ويتخيل المستقبل
ويخترق ذكرياتك
ويقدر يخرّج الطفل اللي جواك
زمن الحقيقه ضاع
بادر بالاتصال قبل نفاذ الكميه
عيش مع نفسك وابعد عن فساد النيه
هذا المنتج متوفر في قلبك
عيش بيه أحلى الأيام
إبنيه وكبره بفكرك
هتعيش سعيد
لما يغرقك حواديت
ولو اتصلت دلوقتي
هتحصل على هديه ..
- راحة البال
- سماعة الصمت
(يسمع خيالك صمتك في الحال)
- قالب لشكيل التخيل
(على حسب هواك)
- سعر المنتج ثابت
- سعر الشحن ثابت
حتى لو عقلك مال
أو لسه زي ما هو
عال ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟