الى شهرزاد

ميسون نعيم الرومي

الحوار المتمدن-العدد: 4980 - 2015 / 11 / 9 - 19:30
المحور: الادب والفن
    

الى روح بنت خالي شهرزاد اهدي هذه الأبيات
ميسون نعيم الرومي

اتحـومي عـَـلـيـنـَـه لـيـش ؟ غـَـمـَّـك يـهـالـمـوت
تـاخـذ عـزيـز الرّوح ! ابـغـَـفـْـلـَه بـَـسـكـوتْ
***
رحـتي ابـعـَـجـَـل يـاحـيـف بـت خالي ! مالـچ؟
اســـــأل وادور اعـلـيـچ فـارغ مـكـانـچ
***
مـسـتـَـعـْجـِـلـَـه ! چـا لـيـش ! ( شهرزاد ) اخـتي
مـن بـيـن اديـنـَـه ابـسـاع غـبـتي اورحـَـلـتـي
***
چـَم لـَچـْمـَه بـيـهـَه الـروح لـَچـْمـَه اعـْلـَه لـَچـْمـَه
گـالـولي سـَـهـْـمـَـك هـاذ ! والـدنـيـه قـِسـْـمـَه
***
سـمـفـونـي اسـمـچ هـاذ واخـتـارَه خـالـي
رحـتـي ابـعـَـجـَـل چـا لـيـش شـَـلـيـتـي حـالـي
***
( شـهـرزاد ) الإسـم و الإسـم مـَـحـبـوب
نـبـچـي عـَـلـيـچ ادمـوم والـگـَـلـب مـَـصيـوب
***
چـيـلـَه اسـكـنـَـت بـالـروح مـن گـلي (ثـائـر)*
هـذا الـمـَـصاب امـصاب خـَـلاّني حـايـر
***
دَخـْلـچ يـدنـيـه اوبـَـسْ والـمـوتـَـه شـَـهـْگـَـه
ماتـنـْحـِمـل يـاروح ! دَگــَّـه اعـْـلـَه دَگــَّـه
***
حـزن الأحـِـبـَّـه احاه ! يـچـوي بـِلــِضلـوع
ظـَـلـْمـَه اصبـَحـَـت لـبـيـوت ماتـنـفـَع اشـمـوع
***
كـل احـنـَـه هـالـنـبـچـيـچ ماظـَـلـَّـت اعـيـون
الـصَبـر لـلحـَـبـوچ .. وابـگـَـلـبـَه چـانـون
***
افـراگ الأحـِـبـَّـه ايـصيـر بـالگـَـلـب غـَـصـَّـه
محـْبـَـس شـَـذر بـالإيـد يـبـچـي اعـْـلـَه فـصـّه
***
*ماكـو شـِـعـر يـوفـيچ ( أم شـذى ) اعـيـوني
(مازن) يـصيـح اعـلـيـچ ! مـاودعـوني
***
*( فـاتـن ) : يـَـخـَـيـتي اوآخ جـَـرْحِـچ كـتـَـلـني
رمـح الإجـاچ ابــساع بـالگــَــلـِب شـَـچـّـنـي
***
*أم ســَـعـَـد خالـَه(ابـدور)اشـلون؟صعـبـَه المصيـبـَه
خـالـَـه الـيـروح الـيـوم مـنـهـو الـيـجـيـبـَه
***
(ام شــذى) .. خالي الـيـوم يـمـّـك اجـَـتــَّـك
رَحـْـمـَه الـكـم الإثـنـيـن والأمي اخـتـك
***
-----------------------------------------------------------------
* ثـائـر:- الأديب ثائر صالح اخ المرحومة شهرزاد
*( فـاتـن ):- ام دنيا اخت المرحومة شهرزاد
*شذى ومازن :-أبنة وابن المرحومة شهرزاد
*أم ســَـعـَـد خالـَه(ابـدور):- والدة المرحومة شهرزاد
--------------------------------------------------------------
8 / نوفمبر/2015
ســــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات