حسام السبع
الحوار المتمدن-العدد: 4975 - 2015 / 11 / 4 - 19:39
المحور:
الادب والفن
ظروف!!!!
باللهجة المصرية
-----------
عندي ظروف ؟؟
نفس الكلام....
ما اتبدليش
عَدّتْ سنين بتردديه
ما بترحميش
وبكل جرأة..
من غير كسوف
لسة بتقولي الظروف
*****
نبضي بقلبي
يهمس ينادي..
ما بتسمعيش
وارجع وأكتب..
أحلى المعاني
صارت أغاني
منها ألوف
لسة بتقولي الظروف
*****
أمّال أنا بكتب لمين ؟؟
لسة بكتبلك.
طول السنين ما بكتفيش
شعلت نيراني
ويّه الاماني
فوق السطور
بين الحروف
لسة بتقولي الظروف
*****
بقى هو ده ثمن التفاني
بقلبي حناني
وأبقى اعاني
ويبقى خيالك
عايش ببالي
مَرّه بيسري
ومَرّة يطوف
لسة بتقولي الظروف
#حسام_السبع (هاشتاغ)
كيف تدعم-ين الحوار المتمدن واليسار والعلمانية
على الانترنت؟