رشا البنا
الحوار المتمدن-العدد: 4950 - 2015 / 10 / 9 - 11:57
المحور:
الادب والفن
حزين…
بس لا مو حزن
مثل عصفور وتمرجح
بضحكة طفل
بين ايده
ويسحن بروحه سحن
وكل ظنه لعبة
وزقزق العصفور دمعة
وضحك من كلبه الطفل
هي ضحكه وهي شهكه
ومات من عدها الطفل
وظل وراه عصفوره يبجي
بيا زمان ..!
المقتول يبجي
من نجت روحه من القتل
يمكن… .
اتصورت انت
الموت مرات يغلط
ويسرق الروح الطفل
لا ..
لا ياعيني
هاي روحي
مثل عصفور وترفرف
مرة تحزن
ومرة تضحك من حزنها
ومرة تنسى
تعد كم جرح بيها صفن
وتالي تذكر ألمها .. وهم تون
لا ياكلبي شبيك
صرت مثل الناي الاخرس
بس يتمتم… ..
ومنو يترجم !؟
والوكت مثل الكيض
من يهجم
على شفاف العطش
بس الله يرحم
#رشا_البنا (هاشتاغ)
كيف تدعم-ين الحوار المتمدن واليسار والعلمانية
على الانترنت؟