أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - روماني سمير - مصر -لامؤاخذة- بتفرح














المزيد.....

مصر -لامؤاخذة- بتفرح


روماني سمير

الحوار المتمدن-العدد: 4889 - 2015 / 8 / 7 - 14:32
المحور: كتابات ساخرة
    


تفريعة قناة السويس الجديدة .. حاولت اكتب عن الموضوع وانا ماسك اعصابي كدة ومركز في كلامي بدون ميتين ام شتيمة علي اد ماقدرت .. لانه حقيقي الموضوع دة مستفذ جدا .. وكالعادة هرص كام فكرة ورا بعض في كام فقرة ..

- انا قصدت اقول تفريعة مش قناة عشان حقيقي هي تفريعة ( طولة 35 كم) من ضمن 6 تفريعات سبقوها بدون هيصة او تطبيل ..
تفريعة بورسعيد : بطول40.1 كم وقد تم حفرها عام 1980.
تفريعة البلاح :8.9 كم وقد تم حفرها عام 1953.
تفريعة التمساح : بطول 4.3 كم وقد تم حفرها عام 1984.
تفريعة الدفرسوار : بطول 8.4 كم وقد تم حفرها عام 1985.
تفريعة البحيرات : بطول 11.8 كم وقد تم حفرها عام 1955.
تفريعة كبريت : بطول 7.0 كم وقد تم حفرها عام 1955.
ودا لينك الموضوع علي الهيئة العامة للاستعلامات (بوابة حكومية)
http://www.sis.gov.eg/Ar/Templates/Articles/tmpArticles.aspx?CatID=5140#.VcDt3LW6C1s

- خدو بقي الطامة الكبري والخازووووق .. "قناة السويس لا تصل حركة المرور فيها حاليا للحد الأقصى المتاح حيث إنها تعتمد على السوق الأوروبي المتراجع منذ سبعة أعوام". .. بالبلدي كدة القناة الاصلية اصلا مش مزحومة ومش متحمل عليها وكافية السفن عادي .. ومفيش سفن كدة كدة هتزيد عشان السوق مريحة بقالها 7 سنين .. بس تقول اية الخبير المصري اذكي طفل في د** ام العالم ..
دا لينك البي بي سي عن تقرير في الاندبندنت .. 4/08/2015
http://www.bbc.com/arabic/inthepress/2015/08/150803_press_tuesday
وعلامة استفهام عالمية كبير علي "لامؤخدة" خلفييييية التفريعة الجديدة للقناة .. برة مستغربين زيينا بالظبط ..

- مشروع التفريعة دا مكلف 64 ميتن ام مليار جنية غير القروض .. زي المليارات اللي بتتصرف علي المشروعات السكنية .. والمليارات اللي اتلمت في صندوق تحية مصر الاولاني .. !! .. حقيقي احنا موعودين ديما بقادة بيفكروا ب "لامؤخذة" مؤخراتهم .. كل المليارااات دي علي حاجات احنا حقيقي مش محتاجنها دلوقت .. هل احنا فعلا في حاجة للحاجات دي .. اللي ما بيشمش علي راي امي يعرف انه احنا بنكح تراب .. واحتياجنا الحقيقة هو فتح ابواب شغل للشباب عشان المم سواء المشروعات الصغيرة و التمنية المحلية في السكنات الحالية .. بمعني ابسط .. الشعب جعان حقيقي .. جعان جسديا ونفسيا وعقليا وكل حاجة .. انا كل يوم بتصادف مع شاب زي الورد في عنيه علامات الشخوخة واليأس وهو بيدور علي فرصة للحياة والشغل .. شباب اتمرمر من 16 ل 18 سنة في التعليم وحرفيا طالع عين ابوه من مصريف لمذاكرة في كتب خري عليها التاريخ والعالم .. دا غير الكورسات اللي اساسي لازم ياخدها .. عشان في الاخر يجي واحد يحطم ابسط احلامه من غير شفقة ويقوله مفيش شغل روح اشتغل علي توكتوك ولا يقوله اسرح بعربيه خضار .. ويصادف ان واحد فيهم رئيس وزراءه والتاني رئيس بلده ..

- 65 مليار مرة تاني .. فكرو معاي كدة .. ممكن يتعمل بيهم اية من مشروعات تنمية في البلد ينفع تكوت الاستفادة منها لكل الناس اللي محتاجين .. دا لو عمل بيهم نافورة في كل حي رحمة عن مشروع التفريعة دة .. اهو الناس تغطس فيها تطري علي نفسها في ام الحر دة وتدعيله

- فرعون هو فرعون .. انا ومن بعدي الفناء .. التركيز ديما علي تخليد اسمه بانه عمل حاجة كبيييرة اوي .. عمل انجازات كتيرة في حجارة .. وفي ستين داهية الشعب .. تفتكروا كام واحد في اجدادنا الفراعنة ملعنش فرعون وهو بيفرتك موارد البلد عشان يبنوا الاهرام .. ولا عشان يبني معبد او مثلة .. زمان كان بيشتموا برضو .. بس برضوا دا كان اخرهم ..
فرعون مزال بنفس الفكرة ونفس الدماغ .. ابني كتير واعمل فرقعة .. واطلع بابتسامة فشيخة بعد الاربع سنين تعال وقول انا استلمتكم اية وبقيتوا .. ها مش هتنتخبوني تاني .. ولو حسبنها صح المحصلة هتكون صفر .. لسة طالع عين اهلنا .. ولسة بنلعن الايام .. الجديد كام حجر زيادة حوالينا ..

-اسمحولي اشتم في النقطة دي .. اه اللي فات مكنش فيه شتيمة .. الاعلام عندنا ابن و**ة .. بيهول في كل حاجة وماشي "لامؤخذة" ورا اي رئيس .. الاعلام هو اللي هول موضوع القناة .. هو اللي هول في القاهرة الجديدة .. هو اللي هول في الرئيس نفسه .. الاعلامين دول المفروض يتلمو كدة مع بعض ونجيب حد يكون شارب مية نار وعلي اخره عشان يعمل بي بي عليهم .. عملا بالمثال الشعبي القائل "مش هقوله كلنا عارفينه " ..

- ومننساش برضوا القيادة الدينية بتاعاتنا .. باركوها هي كمان واشكرولها في صلواتكم ..

- النقطة الاخيرة .. الناس اللي الشتيمة او الايحاءات بتأذي مشاعرها وبتضايقها .. حقيقي انا اسف .. وبدون تريقة .. بس احنا علي اخرنا وكل يوم طالع عنينا في البلد دي وايامنا بتخلص بسببهم علي الفاضي .. فا ماتستكتروش علينا الشتيمة كنوع من "لامؤخذة" التنفيس بدل ما نموت من "لامؤخذة" الكتمة .. وبعدين دا البلد كلها بقت ايحاءات ..

#مصر_لامؤخذة_بتفرح يا اخونا
#مصر_بتفرح





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,567,231,190
- نظرة مجردة للحياة
- اوقات بهيم .. لمكان بعيد ..
- زي المجنون
- ألف باء حب
- نظرية الولا حاجة
- الزانية
- الارض الجديدة Kepler-452b
- نجازف بالحياة .. او نموت بالوحدة
- جواز الهوموسيكشوال


المزيد.....




- -القراءة الحرام-.. غضب الكتّاب بسبب تجارة الكتب المزورة
- السينما المصرية والعدو الأول
- وفاة الفنان السعودي طلال الحربي بعد تعرضه لحادث أليم
- برلماني يجمد عضويته في حزب الميزان.. لهذا السبب
- اختفاء ممثل فائز بجائزة سينمائية فرنسية
- حياة صاخبة ومركز للقضاء.. غزة قبل الاحتلال في سجل وثائق نادر ...
- قيادات من الشبيبة الاستقلالية غاضبة بسبب -الاقصاء-
- بنشعبون يقدم مشروع قانون المالية أمام غرفتي البرلمان
- بالصور والفيديو... أول فنان عربي في ممر المشاهير بدبي
- النجم التونسي ظافر العابدين لإعلامية مصرية: أنا رومانسي


المزيد.....

- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم
- التكوين المغترب الفاشل / فري دوم ايزابل
- رواية ساخرة عن التأقبط في مصر بعنوان - البابا / الصحفي الراحل في جريدة البديل اليسارية المصرية/ محمد ربيع


المزيد.....
الصفحة الرئيسية - كتابات ساخرة - روماني سمير - مصر -لامؤاخذة- بتفرح