أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الادب والفن - محمد وجدي - أنا .... وفانوس رمضان














المزيد.....

أنا .... وفانوس رمضان


محمد وجدي
كاتب، وشاعر، وباحث تاريخ

(Mohamed Wagdy)


الحوار المتمدن-العدد: 4843 - 2015 / 6 / 20 - 11:26
المحور: الادب والفن
    



وانا صغير ( آه والنعمة كنت صغير ) ... كنت بلعب مع الولاد في الحارة بالفوانيس من أول يوم رمضان .

وكالعادة نقعد من قبل المغرب لحد ما المغرب يدن ونكون مستنيين الادان عند الجامع واما يدن نفرقع البمب بتاعنا اللي شاريينه من " عم صلاح " ( ويقعد يشتم فينا عشان بنفرقع البمب جنبه :D ) ونجري على بيوتنا واحنا بنقول : " المدفع ضرب هييه " .

لكن النقلة النوعية والحضارية الفسيولوجية البيولوجية الكهرومغناطيسية المهلبية اللي حصلت لي أما دخل اسماعيل ياسين في حياتي بفيلمه .

مين فينا مشافش فيلم الفانوس السحري لاسماعيل يس ؟

وساعتها كان بابا جايب لي فانوس ( وقتها كان حديث وموضة فانوس بينور بلمبة وحجارة ) ... لكن أما شفت الفيلم اتمردت .

- بابا عايز فانوس

+ ما انت عندك فانوس

- لا مش عايز دا . انا عايز فانوس من اللي فيه شمعة زي فيلم اسماعين ياسين .

+ اتهد

- اتدخلت تيته في الموضوع :

انت هتزعل الولا ( كنت أنا آخر العنقود والدلوعة ) . قوم هات له فانوس .

بابا بص لأمه بصة المغلوب على أمره المتغاظ

وقعد يدور يدور لحد ما التقى الفانوس بشمعة .

أنا - لا مش دا انا عايزه قديم مصدي زي اللي في الفيلم .

+ هتتلم يا ابن الكلب ولا اقوم احللك زي الفرخة ( الله يرحمه عاش ومات ومفهمتش منه يعني ايه يحللني زي الفرخة ) .

- بكاء وصريخ وجت تيته :

+ فيه ايه ؟

- استلمي يا ستي . اجيب له منين انا فانوس قديم ومصدي ؟ دا اخرة دلعك .

+ يعني انت عايز تقهر الولا ؟ هو فيه حد في عيالك حنين زيه ؟ . اتصرف .

ابويا الغلبان يلف على كل الناس لحد ما التقى راجل استرجي ( بيلمع كراسي الصالون والانتريهات ) عنده فانوس قديم ، ولأنه يعرف بابا وبعد ما بابا حكى مأساته اداه فانوس قديم عنده كان معلقه ف المحل ييجي من عشرين سنة مثلا ً .

+ اتفضل خد عارف لو طلبت حاجة تاني هتاخد علقة مخدهاش حمار في مطلع .

بفرحة شدييييييييييييييييدة أخدت الفانوس ودخلت الأودة . اقعد ادعك ف الفانوس ان " عفركوش " يطلع منه مفيييييييييييييييييش . يوم بحاله على الموضوع دا .

بكااااااااااااااااااااء وصريخ تاني

+ فيه ايه يا ابن الجزمة ؟

- مليش دعوة انا عايز الفانوس اللي فيه العفريت . هات لي " عفركوش "

+ نعم ؟ وحياة امك ؟ مفيش اجيب لك منين انا ؟

- مليش فيه اتصرف بأة يا تيييييييييييييييييييتة .

لكن للأسف تيتة مكنش فيه حاجة تعملها المرة دي وبصت لي باستسلام بمعنى ( هيجيب لك منين يعني :D ) .

مكانش فيه حل أدامي غير اني ازود جرعة العياط والصريخ

وأبويا مكنش ادامه غير انه يديني علقة محترمة

وساعتها عرفت يعني ايه " علقة مخدهاش حمار في مطلع "

ومن ساعتها

اتغاضيت عن فكرة " عفركوش " مؤقتا ً

واكتفيت اني اخد الفانوس القديم وأحكي لاصحابي انه بتاع " عفركوش " بس هو نايم دلوقت .

كل سنة وانتو طيبين

رمضان كريم



#محمد_وجدي (هاشتاغ)       Mohamed_Wagdy#          



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- غياب
- صباحك مسكر - شعر عامية
- هتكسر صليبي - شعر
- عمل على ضهر جمل
- الفقه الإسلامي : فقه المراحيض : ضبط المسلم مؤخرته في الخلاء
- مقالات الإسلاميين واختلاف المصلين - 2- اختلاف المسلمين في ال ...
- هل كان قسطنطين الملك باراً ؟؟؟؟؟ - سؤال ننتظر له جواباً
- مقالات الإسلاميين واختلاف المصلين - 1- اختلاف المسلمين في ال ...
- جارتنا :أنجيل - قصة قصيرة
- الفقه الإسلامي : فقه المراحيض : اغتصاب طفلة لا يوجب حد الرجم ...
- تابع : الفقه الإسلامي : فقه المراحيض :فقه وطأ الدبر وأدلة جو ...
- الفقه الإسلامي : فقه المراحيض : فقه وطأ الدبر وأدلة جوازه عن ...
- الفقه الإسلامي : فقه المراحيض : الفساء : من حمل قربة فساء هل ...
- سماحة وحرية الإٍسلام و : لا إكراه في الدين
- سماحة وحرية الإٍسلام و : - إنما المشركون نجس -
- عطس الأسد فخرج من أنفه قطّ و قطّة!!!
- تخاريف - 1
- يعني إيه كلمة وطن ؟؟؟؟؟؟؟؟؟؟؟؟ - شعر عامية
- مولانا العارف بالله - شعر عامية
- من وحي كلمات المسيح - 4


المزيد.....




- -كائناتٌ مسكينة-: فيلم نسوي أم عمل خاضع لـ-النظرة الذكورية-؟ ...
- مصر.. الفنان بيومي فؤاد يدخل في نوبة بكاء ويوجه رسالة للفنان ...
- الذكاء الاصطناعي يعيد إحياء صورة فنان راحل شهير في أحد الأفل ...
- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...
- هاجس البقاء.. المؤسسة العلمية الإسرائيلية تئن من المقاطعة وا ...


المزيد.....

- لا ميّةُ العراق / نزار ماضي
- تمائم الحياة-من ملكوت الطب النفسي / لمى محمد
- علي السوري -الحب بالأزرق- / لمى محمد
- صلاح عمر العلي: تراويح المراجعة وامتحانات اليقين (7 حلقات وإ ... / عبد الحسين شعبان
- غابة ـ قصص قصيرة جدا / حسين جداونه
- اسبوع الآلام "عشر روايات قصار / محمود شاهين
- أهمية مرحلة الاكتشاف في عملية الاخراج المسرحي / بدري حسون فريد
- أعلام سيريالية: بانوراما وعرض للأعمال الرئيسية للفنان والكات ... / عبدالرؤوف بطيخ
- مسرحية الكراسي وجلجامش: العبث بين الجلالة والسخرية / علي ماجد شبو
- الهجرة إلى الجحيم. رواية / محمود شاهين


المزيد.....
الصفحة الرئيسية - الادب والفن - محمد وجدي - أنا .... وفانوس رمضان