محمد جلاب البديري
الحوار المتمدن-العدد: 4795 - 2015 / 5 / 3 - 22:21
المحور:
الادب والفن
أثنين نمشي ملولحين
وبينه هَم
ديرة غُرُب
والوطن ويّانه يمشي
والدرب وحشه
والسچّه
غريبه
من صبر طيفك
صبرنه
شهل عجيبه
وحنه أجينه من ذاك الوكت
ومدولبين
لاسنبل .. ولا بيدر فرح عشّاگ
وحْنه للعشّاگ كوخ
وتضحك بروحه
السوالف .. والعواطف
مابرد فد يوم حُبنه
معلّمين
كل محب حاضن
حبيبه
وننتظر گمرة فرحنه
صدفه أتهل بعين
الگريبه
وتالي تهنه
تهنه مثل ماتاهت الديره
بأهلنه
آخ منّچ
يامصيبه
حتى ناعور النهر صاير غريب
بسچّة الهجره
نهيبه
ياندامه
منهوبه ديرتنه نهب
والعلّ
جارحنه سهم هاي
النِهِيبه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟