|
يمْظفّر أنِشدك
عماد عبد الرحيم الماجدي
الحوار المتمدن-العدد: 4790 - 2015 / 4 / 28 - 22:24
المحور:
الادب والفن
يـــمـْـظـفـّــر أنِـشـــدك
عــماد عبد الرحيـم الماجدي
يـمظفـّر انشدك ساكِت امن اسنين ع الصاير ـ متــْــشوف اليصيـر اوصار بعـد اكـثـر يـمظفـّـر (تغيب افراحنه) والشمس من اتصيح ـ تبوس ارض العراق اوتشبگ المنحر نـدري بالعروبي يـعـگر ابرجليـه لو كاتل ـ يخاف اتـخــونـه روحـه ! تـنهـزم واتـفـر واعـگال الـعروبي بيرغ الديوان وايحومي ـ يـريـد احقوق ربـعـه ! اذراعه وايشمـّـر سِكـتــّـوا اعلـه العراق اتـفرهـد امن اسنين ـ أقلام اسكتت والحلـگ مايزبـد ولا حبـّـر گـبـُل چـان المنـاضل گاعـه وابروحـه ـ لـذلك هـالتـشوف الـغـيم ع الگيعان ماتمطـر لأن صار المنـاضل عولـمـه اوغـاية ـ ياحيـــف ( الوسـيـلـه ) اوللـردي اتعــتـبــُــر لأن راحت زلِـم تتشـابـگ اويـه الموت ـ والموت الـشبـگهه اتشـوفـه بالحسرات متـكدّر ياموت الــْيهـمّـه النـاضل امــْـن ازمان ـ يـعــرف وابـ (عـراقـه) ابهـامـه والـخنـصر مامش يـوم ماينزف (عراق) اليوم واويلاه ـ لذلك هالتشـوف اليوم بالويلات متـغـبـّـر زلـم والله گُـبـل مومـثل هـذا اليوم وانـقارن ـ تـعـومـد چـانت اعله الـموت !!! واتغني على الميـمـر ابـدمـهـه اليسيـل اتسابق الكلفـات واتحومي من الموت چـانت بيـه لو يـگـربهـه تتمـسخـَـر يـفــيض الـدم ! يفـوح الـدم ... آخ الـدم هيـل ايـفـوح ! بالقداح والنعناع ، والعنبـَـر أقلام الـزلِـم ماتنشـف اومـتـموت لا والله ـ يابـعـض البعض وابـگلبـَـه ضم الــسّـر والسـّـــر اليعـرفـه مابـعـد ظل سِـــر ـ غربـال اليـغطـي الشمس يـتـقـَـشمـر الزلمـه اليغص ابلگمـتـه اويشهــگ يريـد الماي مجعـة ماي يــِشربهـَـه ياويلي اليغص بالماي وين ايروح وايـدوّر لذلك على الشـاعر والشـعِـر وجــْدان ـ يغص اوبالحـرف عن شـعبـَـه من يشـعـَـر يـمظفـّر انشدك ساكِت امن اسنين ع الصاير ـ متشوف اليصيـر اوصار بعد اكثـر؟ ******** زلِـم چانت تصر الموت حدر الرّوح تتنومس تِـهِـد الـگـيـظ من يـعـطش ـ والگيـظ ان عِــــطش تسـگــيـه ماي الـدّر دمـهـه ماتِــغيـر ماعِـتـگ لـونـه واللـّحـد اطــْـلعـوه اوصاح آنـه الخير !!! لون اخضر دم أحمر عراقي اوياسواد الليـل من ليـّـل ـ علـم هـذا (العراق) اجباله بالنهرين يتعفّـر زرازيـز التطير اليوم بالغبشه تـحامي الرّوح وابـچـبـد الـْـسـمَــه !!! اوترعِــش تخاف امن الحجر ياحيف من الگــاع لوتشمـر والبـــاز اوتشـوفه امحـومـر العينين تِـتجادح ـ شـامـخ وابكـرامة اوعـز يـخـاف الموت يـگـربـله ! يـاخذ روحـه مايـگـدر مايـگـــدر يلاوي اذراع ! منجـل طاح من إيـــده يامنجـل (اصويـحب) أبـد مـيـْريـدَه بعد أحـّـد ـ أدرد صــار بيديــن الـحِـــثِـل زنـجـَـر ويلي اعـلـه (الـْـمناجِـــل) باعـت السنـبـل ـ (سـيـگان الـسنـابل) لـيـش تـتـكـسـّـر؟ اسنـونـه تكـسرت منجـل (اصويـحب) ـ يادمـّـك اصويـحب صـار للمنكوب من يــنذر اسنـونـه نـسوهـه ابـ (نـگـرة السلمان) ـ واصـويـحب صبح سالوفه للـنهـّاز والأغـبَـر واليبـوگ النضال اويكتب الرّوحـه ثلث چـلمات ـ چــان امن الصفـير ايخاف من يصـفـر شـو نفـسـه حـچيكم من عـهـد (قـارون) ـ نسمع بيه من ازغـار مامش كل قبض يـُذكـَر لأن الـگـمـر باگـوه ابزمـن شـيـبـوب ـ (عـنتـرنـه) انـهــزم ! مامِــش بـعـَـد عــنـتـَـر شــو إخـذو تـقـاعِــد عَ النضال اشلون؟ ـ چــاكوچ الهتف بالنـّـاس ربـدَه اليوم مِـتـكسـّـر تـقــاعِـد ! نـاضـل ابـْـدولار عن شعـْـبـه ـ مـناضل من شعـَـب ياخـذ أجـِــر يـگـدر؟ ـ يـمظفـّر انشدك ساكِت امن اسنين ع الصاير ـ متشوف اليصيـر اوصار بعــد اكــثـر ****** مِــن تـــالي الإجَـه عـگّـبكــُم اتـنَـظرون ـ اويـاريت الـيـنـظــّـر عَ الـْـوكِـت ! نـظـــّـر ازبالـَـه تـدور الناس جـوعانين شبعـوْ ضيم ـ منـاضل هـالـوكِـت نـايم اوبـَس يـشخـر مـامش كل (فـرح) هذا (عراق) ايـْـتام ـ تـشرب بالـسـيان اوحيف بالـبلــدان هالتـفـتـر ياسيـف ابن مـلجم بـَعـدَه يـنـكًـِـط سـم ـ چـم (ابن ملـجـم) عـدنـَـه محتـرميـه وامـْقـدّر مامش بـس حـزن مامش فرح وايعـود ـ يالـعـفـتـوا العراق اشلون هالمنيـوب وامكـدّر مامِـش كل فـرح ! لـَـن الفرَح مـصنـوع ـ اتـصِـنـعـه الـزلِـم (بنــت الــطرف تـمـهـر) ـ غـايـــب مايـدگ الـبـاب ! مـامش بـاب ـ صـارَت (هـربـِــشي) ! والــزّيـن مـتـكـتــّـر ياعـاشـــگ چـذب يـعـرف تـوالي الليـل ـ شـو (طير السـعـَـد) مـَـهـْـلــُــوس هاليفـْــتـر أمــس چــانـت شمس ، وامطوّگــّه ابطيبين ـ چـان الطيب بيـهـَه ! ايـفـَـيـّض الـمـعـبـر والـماي الــنِـــشـف ! مـانشـَـف من كيـفـه ـ لأن ربـعـَه اغـدروه ! ابـجرفـَـه هـاليـغـدر مامِـــش كل بـيـادر ! سـنـبلـك مـنـفـوش ـ مـات اللـّـي يـهـْـبـشـه ! انـباع للـمـتـجـَــــر تِـدگ (الـميجـنـَـه) بس بـيـد راعيهـه ـ ابــْـ (جـــــاون مَــبادئ) ! مـن يـدگ عـنـبـَـــر ماظـلت (مبادئ) حتى يـطحـنـهـه بگايه الروح ـ يا (جـاون) اليطــحـن بالـفـحـم وايـذر أقـصـِـد بالـمـبادئ عَ الـعراق اتـذود ـ مـوش اللـّي يبيع اوبيه ! يـكـسـر بيـه وايـجَــبـّـر سـنـابل هـالوكِـت !!! مامش (گطـَـه) وايـلوذ ـ حَـدر فـَـيـهـَه السـنـابل تگعِـد او تـحـذر گبل چـان المناضل (أبـرَه يـحفـر بيـر) ـ شُـــو هسـّـه المــــناضل (يـــردم اويـحـفـر) ـ مـلـّينـه (الـزمـط) ! (احـديـدَه عن طـنطـل) ـ (زنـابيـــر اوبـعـد مـتـْخرّي عـسل تگـدَر) ـ يـمظفـّــر انِـشدك ساكِت امن اسنين ع الصاير ـ متــْــشوف اليصيـر اوصار بعد اكـثـر ---------------------------------------------------------------------------- نيسان /2015
#عماد_عبد_الرحيم_الماجدي (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
الكاتب-ة لايسمح
بالتعليق على هذا
الموضوع
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
عگْ تَمّوز
-
تمّوز الإجَه ... شوُ چَنّه مُو تمّوز
-
رثاء الى منجل صويحب
المزيد.....
-
فادي جودة شاعر فلسطيني أمريكي يفوز بجائزة جاكسون الشعرية لهذ
...
-
انتهى قبل أن يبدأ.. كوينتن تارانتينو يتخلى عن فيلم -الناقد ا
...
-
صورة فلسطينية تحتضن جثمان قريبتها في غزة تفوز بجائزة -مؤسسة
...
-
الجزيرة للدراسات يخصص تقريره السنوي لرصد وتحليل تداعيات -طوف
...
-
حصريا.. قائمة أفلام عيد الأضحى 2024 المبارك وجميع القنوات ال
...
-
الجامعة الأمريكية بالقاهرة تطلق مهرجانها الثقافي الأول
-
الأسبوع المقبل.. الجامعة العربية تستضيف الجلسة الافتتاحية لم
...
-
الأربعاء الأحمر -عودة الروح وبث الحياة
-
أرقامًا قياسية.. فيلم شباب البومب يحقق أقوى إفتتاحية لـ فيلم
...
-
-جوابي متوقع-.. -المنتدى- يسأل جمال سليمان رأيه في اللهجة ال
...
المزيد.....
-
صغار لكن..
/ سليمان جبران
-
لا ميّةُ العراق
/ نزار ماضي
-
تمائم الحياة-من ملكوت الطب النفسي
/ لمى محمد
-
علي السوري -الحب بالأزرق-
/ لمى محمد
-
صلاح عمر العلي: تراويح المراجعة وامتحانات اليقين (7 حلقات وإ
...
/ عبد الحسين شعبان
-
غابة ـ قصص قصيرة جدا
/ حسين جداونه
-
اسبوع الآلام "عشر روايات قصار
/ محمود شاهين
-
أهمية مرحلة الاكتشاف في عملية الاخراج المسرحي
/ بدري حسون فريد
-
أعلام سيريالية: بانوراما وعرض للأعمال الرئيسية للفنان والكات
...
/ عبدالرؤوف بطيخ
-
مسرحية الكراسي وجلجامش: العبث بين الجلالة والسخرية
/ علي ماجد شبو
المزيد.....
|