المجهول

سعدي جبار مكلف

الحوار المتمدن-العدد: 4723 - 2015 / 2 / 17 - 17:26
المحور: الادب والفن
    

المجهول

سعدي جبار مكلف

كأني أعرفها أو ألتقيت بها على قارعة الطريق، لا أدري أين!! حاولت أن أتذكر أطراف الحكاية والزمن، هل قابلت تلك الأشلاء حقاً متى وكيف ؟

الگلچ الو
خيال بصراوي
راكب عله المهره الغير متعثرة
يكض بيده الرسن وبمشيه يتهادة
شهم ومعلگ الزينات بزنادة
يعط أبخور محلب طيبة أجدادة
أيتلاوه وي الرياح أبشوگ
ما يجفل
لحد كطع النفس وسيوفه هدادة
أمعدل وي النجم محسوب تعدادة
أبن أم البروم ونخله وطلعة
گضت ذيج الليالي المالهن رجعة
گضت ذيج الليالي أبعز
گضی-;---;--ناها الليالي السود
عمت العيون ظلمه نشفت الدمعة
أهو صوت الربابة يغني للرجعة
الصوته الو
تأريخ عشگ الناس
يضوي بالسلف نيرانه أمولعة
مضيف ودلة والأيام تشهد لاه
الطيبين هم ناسه أهم ربعة
جعل نفسه جسر وحرثه لأهل الطيب
شع هو الضوه أيسابگ الشمعة
أهو الناس كلها من تهد فزعة
أهو مثلك أهو مثلي
محراب الوكت مهيوبه هل الطلعة
تذكرينه
تذكرين الهدم الأبيض
الظل شامخ عله الساري
تذكره أهله
تذكره شدة القداح هم ربعة
حلو طبعة
كل الشوگ والطيبة أبنص أگليبه متربعة
من شط العرب نبعة
الگلچ الو
مو بالرقم غلطان
حط وي الرقم أجروحه لچ نيشان
صدگ يفلان
أنته أفلان
شنهي ما عرفتي الصوت
منهو الچان الچ عنوان
أي أفلان
صوت الناي والموال صبي
يهلهل أبحزان
يواكحني الوكت ومرادف الطعنات
خلاني الوكت حيران
منهو الخان
أنا أهناك أنا أهنا
أنا بكل مچان أتصلي بيها الناس
آخ الگلچ الو
ثورة ولهب بركان
تأريخ العشگ والشوگ
يا دفو الثلج آذار لا نيسان
آهات وحزن وأطياب
لا خيمة حزن تنحب
خل نيرانها تلهب
دمع يسچب
خله أيورد ويكتب
منهو أبمستحه ويعتب
الگلچ الو
چان الغطه الغطاچ
جيتي ودمعتچ نهران فوك الخد
حطچ بالعيون وسدها حد أبحد
صار أغطاچ وكت البرد من أشتد
هوى أعذيبي يهب أبگيضنا من أحتد
محراب الصلاتچ أبد ما يرتد
هسه آنا شبح بس النفس يصعد
جزر ومد
أيام العمر وياچ جزر ومد
هم تنعد
ما فد يوم گلبك يعصف ويرعد
أذكرك بالجماعه الطوش والمرتد
ياخسة أبنادم ما يعرف الحد
ذولاك الذياب أتمرعد البيبان
وتدريني جبل منصد
ياعيبة العيبة النار ما تخمد
يد أبيد
عطابك أبروحي أمولع ويشهد
خليه الوكت أيرد
ما گلك منو
ياخاين وبذات
بلكي أتحس تتذكر عشگنا الفات
يظل خالد مع الأيام
لا ما مات
الگلك الو نگشاته بسچاجين
مو هوه الغفه برموشك وبالعين
أنته أمنين
ما تعرف صدك أمنين
يا مسكين يا مسكين
أنا أمنين ونته أمنين
ياخاين العشرة والعهد والدين


29-3-2013
سيدني استراليا

#سعدي_جبار_مكلف (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات