طالب الجليلي
(Talib Al Jalely)
الحوار المتمدن-العدد: 4700 - 2015 / 1 / 25 - 23:59
المحور:
الادب والفن
اعتذار .. و حلم!!
لو عدي حظ اوياك
جا سامحتني
ادري الغلط شكبان!!
واعترف ..
مني!!
ياما اعترفت اوياك
وجتافي ذني
جتفت للعباس
إضلوعي الكصار!!
شد رايه واحسب عود
وانسى اللي مر اوصار
بس عذري ماقصديت
ذرة غلط .. وبديت
وانته ادرى مني!!
بطل الزعل يفلان
تكراره يجرح
هوّه العمر لحظات
من بيها نفرح
والباقي تل مهجور
واجلابه تنبح!!
خذني ابحلاة النوم
واندهني بالطيف
لو بالحلم
يفلان..
(روحي اعلا روحك
ضيف!!)
نتعنّى نص الليل
سجة ( حمد والريل)!
كمره
اوحلم
بالصيف !!
25 ك2 2015
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟