وطن بلا كنائس افضل من كنائس بلا وطن

جاك عطالله

الحوار المتمدن-العدد: 4623 - 2014 / 11 / 3 - 23:34
المحور: العلمانية، الدين السياسي ونقد الفكر الديني
    

دى رسالة مفتوحة لقداسة البابا المعظم الانبا توضروس الثانى بابا الاسكندرية وسائر افريقيا والمهجر تعليقا على المقولة الكارثية على الاقباط (( وطن بلا كنائس افضل من كنائس بلا وطن))ومقولات وتصريحات متعددة من قداسته شخصيا ينفى وجود اضطهاد ممنهج ومخطط من قبل كل الحكومات المصرية من عام 1952 وطالع حتى اليوم يشارك فيها كل اجهزة الدولة المصرية الرسمية بمافيها رئيس الجمهورية والحكم المحلى والمخابرات و الجيش والجامعات والاعلام والازهر والاوقاف والخارجية والداخلية و معهم بعض الدول المتحالفة مع مصر وترغب بابقائها فقيرة وتشحذ قوت يومها مثل السعودية والكويت -


سالخص الموضوع بكلمتين لان مرارتى بصراحة اتفقعت من اللى باشوفه واسمعه وياريت ما يطلعش نفى من البطرخانة ان الكلام ما اتقالش لان عندى الدليل بالصوت والصورة داخل مصر وفى روسيا ومن قبله تصريحات مثلث الرحمات البابا شنودة --


ياريت تقولولنا ان كان فيه اتفاقات سرية مع الدولة للسكوت وتغييب الاقباط بانكار الحقائق علشان نتصرف من نفسنا - انما تتصدروا وتاخدوا ميزات مقابل السكوت على مصايب الاقباط بحجج واهية منها الحكمة و عدم وجود التوقيت المناسب؟؟


اظن من مؤتمر اسيوط اللى اجهضتوه واحنا رايحين فى الهوا بالسالب على طول لغاية ما بقاش فى ايدنا حاجة بقينا على الحديدة كأقباط لانملك شىء ببلدنا وكل الامال المعقودة على الدستور و انتخاب السيسى كرئيس للجمهورية طلعت فشنك ديكتاتور زيه زى غيره


المصيبة بتاعتنا اننا مبليين باضطهاد علنى و الاعمى اللى بيحسس بعصاية شايفه وحاسس بيه و ريسنا الروحى بيقول لا مفيش اضطهاد ولا حرب ابادة دول شوية مناكشة بين الحبايب وشوية هزار تقيل من الامن والمخابرات والسلفيين والاخوان ناقص يقول مفيش ميت كنيسة اتحرقت ومفيش بنات اختطفت واغتصبت ومفيش اقباط بيصلوا فى خرابة محروقة ومفيش دير ها يتاخد لان الوسخ اللى خطط الطريق مالقاش الا وسط الدير يعدى الطريق منه -


انا بيتهيألى انه لو قال مفيش اقباط بمصر كان اشرف ليه بكثير وخصوصا بعد مصيبة وطن بلا كنائس اللى فاكرها وطنية - وانبسط بيها المسلمين جدا وزأططوا واعتبروها موافقة رسمية قبطية من الكنيسة على عدم وجود كنائس قبطية بمصر وعلشان كده اخدنا الهوا وبنصلى فى خرابات محروقة ومسروقة --


مع احترامى وتقديرى لقداسة البابا اقول بكل الم---متبرى من تصريحاته فى موسكو وبداخل مصر؟؟لنفيه وجود اضطهاد علنى مبرمج وممنهج ضد الاقباط داخل مصر ولنفيه وجود حملة تجنيد علنية لخونة من اقباط المهجر موعودين باسهم مجانية بقناة السويس و بمقاعد بمجلس الشعب


و اقيله من تمثيلى سياسيا لانه لا يصلح ممثل سياسى للاقباط هل ده تمن بتدفعه عن يد وانت صاغر علشان تسافر زى ما انت عاوز انت واساقفتك ???وشعبكم ؟؟


ياريت حد يفهمنى ازاى اللى اتصلى عليهم صلاة الموتى بيتصرفوا بالخنوع والاستسلام وليه منيمين الشعب ومخللين المسلمين راكبين على رقابينا وكاتمين نفسنا-


فين ياسيسى الكنايس المحروقة وفين تصريحات الكنايس الجديدة اللى تناسب تعداد الاقباط وضرايبنا بتروح للمخروب الازهر ليه ؟؟؟


وليه متحالف مع السلفيين
اللى همه دواعش مصر وبعدين مالك ومال الدكتور سيتى شنودة القبطى الشريف ما ترد الاتهامات الخطيرة اللى بيوثقها عنك بدل تهديده بالتصفية ???

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات