محمد جلاب البديري
الحوار المتمدن-العدد: 4577 - 2014 / 9 / 17 - 21:20
المحور:
الادب والفن
يروحي
ليش طشـّرنه الوكت
طشّار
صرنه غُربه وحتى بالوطن
خطـار
نفتر وي حزنًه ودومنه متيهين
مكتوبه بعمرنه .. وسفه مطشّرين
وماتلمنه
وياصبر
ينطر محطات الأنتظار
ويادرب إلّي يردنه
ماكو سچه
ولاقطار
أخ من توديع أهلنه
صرنه
كل يوم مْوَدعين
وضاگ من عدنه
المطار
وحتى الليل چودر بيه ظلام الخوف
صفه بروحه
وخاف يتلگـه
النهار
وطار الفرح بجناحه
بعيد .. بعيد
مايرضه يشوف
الصار
ماصار
..
يامحطات الفرح
هلّي إعله موجات الحزن مرّه
ونثري الگمر ونجومه
لحن برواح
اليغنون
وعشگ بگلوب
اليحبون
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟