هيهات منّا الباكله !!!!

سرمد علي الجراح

الحوار المتمدن-العدد: 4576 - 2014 / 9 / 16 - 20:52
المحور: كتابات ساخرة
    

تصعب الكتابه ويستعصي التعبير, عندما ترى كمية التــ..بعير التي ينتجها ساسة العراق
البلد الوحيد في تاريخ البشريه, يتعرض لغزو, وأهله مايكدرون يتفقون على قياده عسكريه!!!
اللي يقهر أكثر ويورم الگلب‌ والچلاوی-;-, هوه إنو العراقيين يملكون أكبر جيش في العالم, من المحللين السياسيين والوطنجيه والمقاومين وحراس البوابه الشرجـــيه!!!
مهمتهم وهمهم الوحيد نظريات المؤامره, وتحليل بول داعش, وغائــط إيران, لإثبات أنو واحد ماكل خــ..ره الثاني, واثنينهم ماكلين روث أمريكا!!!!!
كلشي عدهم مؤامره, الدجاجه باضت مؤامره!!! ماباضت هم مؤامره!!! إجاها عسر ولاده انكشفت المؤامره!!!
مو مهم أكو بهل لحظه, خمس لو ست ملايين عراقي, ياكلون كل أنواع الفضلات, وحياتهم عباره عن جحيم بكل معنى الكلمه
المهم ليش أمريكا تتدخل؟؟ والسياده الوطنيه شلون تنداس؟؟ والاحتلال والمقاومه والعزه والكرامه واشتعل ربكم على هيج خريط وتمسلت
آخر شي يفكرون بي, هو هل ناس اللي صايره حياتهم بقعر جهنم
آخر شي يفكرون بي, هل بلد واستقراره, اللي العراقيين نسوا شنو يعني من35 سنه
ولك انته مقط..اطه, ليش ماتنجب وتسكت؟؟ شبيك كلما تنـــ.بعص إيران, إنت من يمك تفز وتكمز؟؟
تره تاهت علينه وماجاي نعرف, انت عجمي لو فارسي؟؟؟
ماتاخذك الغيره, مالازم على السنه, على الاقل على اللطامه اللي ساحلهم وتقاتل, بيهم داعش؟؟؟
لو هذوله حطب وإذا مات منهم ألف لو ألفين زايد, ففدوه لبيضاتك المايحَبلن!!!
تره يمكن اللي دتسووه بالعراق, جديد حتى على عزرائيل!!!
لأن يمكن بعمره كله مامشتغل بمكان واحد, جره وحده وبلا إجازه 35 سنه!!!
فاصل عنصري:
صرح الشيوعي الاخير, ومن مقر نضاله الدائم في عاصمة الامبرياليه لندن,
بأنه معترض جدا, ومستاء أشد (الأستواء), وممتعض ولعبانه نفسه ومتكدّر مزاجه, بحيث فقد الأمل في تحقيق الأمميه وبلوغ الأشتراكيه مرحلة الشيوعيه, بسبب: تعيين كردي كوزير للثقافه!!!!
وجماله مايعرف عنه أي شئ غير إنو كردي!!! تره حقه شنو هل تعدي على حقوق أمة ماأنا بقارئ؟؟؟
شيوعيه ماركة عبس وذبيان!!!

#سرمد_علي_الجراح (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات