محمد جلاب البديري
الحوار المتمدن-العدد: 4566 - 2014 / 9 / 6 - 19:23
المحور:
الادب والفن
أجيتك هاب نسمه بصيف
شفتك ليله گمريه
ضيّفي بغرامك طيف
ولهان العِشگ بيـه
وريدك تزرع بروحي
بذرة عشگ ماشفناه
من يوم العرفتك ونجمع
بينه
عشگنه إلًي حضنه وضافنه
بعينه
تذب روحي بجرف روحك يلِحبيّب
يلِحنيّن..
سفر مطره
وگطره گطره
من ذاك المطر من زخ على الدنيه
بحنينه
يانبع المحبه الدافيه وذاك الوفه
المشتول وي روحي
الحزينه
وياريت الفرح يسكن سوالفنه
ومحاچينه
ويجينه
بجيـه الملهوف من يشتاگ
عِگب فراگ عمره وضيّع سنينه
أريدك يابعد روحي
گبل روحي
بيدك تضمد جروحي
وتمسح كل دمع
رافگ بواچينه
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟