زيد الفكيكي
الحوار المتمدن-العدد: 4536 - 2014 / 8 / 7 - 03:03
المحور:
الادب والفن
عُمر وشلون احسبك ؟
أيام ؟ لو كل ما الفجر يشهك؟ احسبك؟
لو من بده الليل يدفن ليل ؟
أو حلم أيكَطّع حلم،أحسبك؟
ما حسبتك،
من يوم الولاده البجيته بنوح
ما حسبتك
جان الامل حجم الكون،
كل صُبحيَة شمس لون،
ليل الحسبت انجومه كظه
طُفه كمره او زادت همومه
من بهتت الوان العمر
يومك للظهر... ويموت
وأرجع وحسبك يا عُمر
كل ما يبين بالسما ظّي
ارجع وحسبك
او كل طيف العزيز يمر...أحس بيك
مُمله ايام العمر من يبطي عليه
ورجع وحسبك
يوم او يوم.... صبح او ليل
الاكي صبحك مصخم بسواد الليل
وفز ليلك اليضوي ... أبلهيب الويل
و تَيه حسابي
ورجع من جديد ارجوع
الوم النفس .....ثاري العمر من أوله
مبيوع
#زيد_الفكيكي (هاشتاغ)
كيف تدعم-ين الحوار المتمدن واليسار والعلمانية
على الانترنت؟