يا سيسي تخينه اوي ال100الف شهيد لفلسطين

جان نصار

الحوار المتمدن-العدد: 4531 - 2014 / 8 / 2 - 14:38
المحور: كتابات ساخرة
    

يا سيسي تخينه اوي ال100 الف شهيد لفلسطين
بصراحه يا سيادة الريس عبد الفتاح السيسي انو حبي لمصر وشعب مصر وحضارة مصر كبير اوي وما اظنش انو في حاجه ممكن توقف اصادو وتعكروا رغم مواقفكم من ابناء شعبي في غزه.
بص يا ريس لما كانوا الاخوان يحكوموا مصر قبل سيادتك رغم اختلافي مع فكرهم ومنهجهم وطريقة حكمهم مكرهتش الشعب المصري لانو الاخوان بيحكوموا ومع ذلك انتقدهم وحاربتهم فكريا لان مصر مش الاخوان والاخوان مش مصر ام الدنيا.نجي دلوقتي نتكلم عن حماس .
حماس هي فرع من الاخوان يعني بنتهم الصغيره والاصل الام يعني مصري يعني مش فلسطيني على الاصل دور.وكمان غزه مش حماس غزه بطيبينها من الناس.ومن غير زعل بأى المصايب بتتحدف علينا من عندكوا يعني اخوانكم صدرولنا فكر ونهج حماس واحنا مرضيناش نزعلكم وفتحنا عندنا قسم الاخوان بأسم حماس.
المهم بأى يا ريس ايه حكاية ال 100 الف شهيد اللي قدمتهم مصر لفلسطين واحنا مش مقدرين كل تضحيتكم.
على فكره دى انت تخنتها اوي اوي اوي يا ريس. حتى ابو لمعه معمليش من 2000 شهيد بالكتير بسنة 1948 ل 100الف شهيد علشان القضيه.
من اول ما حضرتك اعلنت انو مصر قدمت للقضيه الفلسطينيه والفلسطينين العدد الماهول دى وانا عايز اكتيب مقال توضيحي لدا بس قولت يلاى معليش ربنا يسمحك وبلاش.بس لما الاعلام المصري بدى بالشتيمه والتهزيئ والتشفي والاهانه قلت خلاص ما بدهاش بأى.
شوف يا ريس من غير لف ودوران انا مش عارف مين اللي بدافع عن مين احنا والا انتو.
احنا يا ريس وبلا فخر مندافع عن كرامة كل الامه العربيه.
احنا خط الدفاع الاول والتاني والتالت لانو مافيش غيرنا بالميدان.
اينعم انتوا في عام النكبه ومع تسع جيوش عربيه كرتونيه قدمتوا 1657 شهيد والبعض قال حتى 2000 شهيد مش اكتر وادأكم واداء كل الجيوش كان متنيل بستين نيله وماكو اوامر ومعندناش تعليمات وجرى اللي جرى وروحنا احنا الفلسطينيه بالرجلين وبابو نكله وضاع اللي ضاع.
في سنة 1956 العدوان الثلاثي ماكنش مشان خاطر عيون فلسطين كان بسب قناة السويس والتأميم ومع ذلك حارب الغزازوي اهل غزه معكوا وقدموا وقدموا كتير من الشهدا دفاعا عن مصر وكرامة مصر.
اما في ال1967 كان بسب اغلاق مضائق تيران وقناة السويس والجولان.. بس الشماعه كانت دايما جاهزه مشان تعلقوا عليها اخطائكم وقلتوا فلسطين مع انو فلسطين كانت بعيده عن الموضوع دى وهينى كمان حارب اهل غزه دفاعا عن كرامة مصر وكانوا شوكه بحلق الاسرائلين وكمان راح كتير شهدا
اما سنة 73 فكان عشان ترجعوا سينا مش فلسطين وهينى كمان حاربوا اهل غزه معاكوا.
هو الدفاع عن كرامة مصر كلو تسجل في ميزان حسنات فلسطين هو انتوا ما كنتوش عايزين تدافعوا عن حالكم والا ايه يا ريس.
كل كتب التاريخ والحقايق بتقول ان مصر ما خسرتش اكتر من 30 الف شهيد في كل حروبها مع اسرائيل .معاهدة السلام مع اسرائيل كانت انكم رجعتم سينا وطبعتم والا ما طبعتوش مش مهم وقلتوا للفلسطين العبوا وحديكم باقى.
يا ريس اذا بأقولك انو احنا الفلسطينين معندناش اخطاء واخطاء كتيره اوي بكون كداب وستين كداب.دى احنا اتغضر بينا يا ريس , واكلنا على افانا, خدونا على خوانا ومع كده قلنا يللى المسامح كريم وربنا يسامحهوم.
روحنا المفاوضات وادمنا تنازلات للاسرائلين ومفيش فايده.
دول مرمطونا وبهديلونا يا راجل على فشوش.
ايه المطلوب مننا لا مقاومه ولا مساومه. امال ايه ؟ممكن تحللي الفزوره دي يا ريس.
الاعلام المصري نازل فينا شتيمه واهانات وتشفي وانا بقول بكفي, من توفيق عكاشه الشيبشب الى لميس جابر الجزمه هو في ايه؟
خلاص ما فيش رحمه ولا انسانيه ولا اخلاق الشماته بقتل الاطفال والنساء وتشجيع الفريق الاسرائيلي وبوس جزمتهم علشان المجازر الي بيعملوها بحق الابرياء من ابناء الشعب الفلسطيني .
يا جماعه دي مش كوره دى شعب بيدبح وبيموت .
شوية شويه ما فيش رحمه خلوا المساعدات توصل للضحايا في غزه دي تقدمه من الاجاويد مش منكم .افتحوا المعابر للجرحى والحالات الانسانيه.
احنا في زمن اغبر اللي خلى كاتب زي يلطم ويعيط مشان يحنن قلب المصرين علينا...يا جماعه بلاش نكون اخوانكم في الاسلام ولا في لغة الضاد على الاقل في الانسانيه هو الفينزولي والنكاغورياني والياباني واليوناني صار اقرب لينا منيكوا والا ايه.
وكده زي ما قال شاعرنا الكبير توفيق زياد:
نموت واقفين ولن نركع مادام فينا طفل يرضع.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات