عبدالله صقر
الحوار المتمدن-العدد: 4413 - 2014 / 4 / 3 - 08:48
المحور:
الادب والفن
يا سامعين صوتى
وحاسين بنبض عروقى
قولوا لآعداء الحياة
أن مصر أمنا وفيها النجاة
قولوا لهم ليه بتخربوا
ليه بتدمروا ... ليه بتقتلوا ؟
هو فيه حد أيده على أمه بتتمد ؟
ماهى دى مصر أمنا
اللى واخدانا فى حضنها كلنا
يا سامعين صوتى
وحاسين بنبض عروقى
قولوا لهم ... لآ ... لآ
دا صوت مصر
هو صوت الحق
وعمر ماحد قدر
يقتل صوت الحق
قولوا لهم مصر دى أمى
وفيها أبويا وأمى وأبنى
دى يا ناس مصر
إل فيها أرضى وعرضى
وإل فيها بيتى وقبرى
مصر طول عمرها تعلمنا
إزاى نحبها
وإن العزة دايما لها
واللى يعمل كده مع أمه
يبقى دى موش أمه
ويبقى موش أبنها
يبقى عدوها
إزاى يهون عليهم دمها
قولوا لآعداء الحياة
إن مصر فيها النجاة
قولوا لهم إن مصر أمنا
وما لكوش مكان وسطنا
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟