ايگولْ حامِضْ ماأَريدَه

ميسون نعيم الرومي

الحوار المتمدن-العدد: 4325 - 2014 / 1 / 4 - 12:56
المحور: الادب والفن
    

ايـگـولْ حامـِضْ ماأَريـدَه
ميسون نعيم الرومي

المايــِنـوشْ العـِنـَبْ بــِـيـدَه - ايـگـولْ حامـِضْ ماأَريـدَه
أحــّوه يـابـَـحـرْ الـشــــعِــرْ
ابـروحـي نـارَك تِــسْـتـِـعـر
أمـدَح ... اوأكـتِـــبْ نـَـثِــــر
تـنـكـتِـب بـِـسـمي قـَـصيـدَه ـ والـعـنـب يـنـمـُردْ بيـده
ايـگـولْ حـامـضْ مـاأريـدَه
------------------------
الـشِـعـرْ طـرگـاعـَـه ســـودَه
بـيهْ نِـنـظــُمْ عـلى الـمـــودَه
ميسون كـِتـْبـَتْ لو كـِتـَـبْ جـودَه
لو كـِتـَبْ فـِلتـانْ الجـِعـيـدَه – والعنب وينه المايريده
ايـگـولْ حـامـُضْ مـاأريـدَه
------------------------
الشـِعـرْ هالصايـِـرْ كـُـفـرْ
بـيـه الوَصفْ بـيـه السـِحـِرْ
مـَـفـْروسْ ماتْ امـنْ القـَهـَرْ
جـَرّبْ او إكـتـِبْ قـَصيـدَه – العـِنـَبْ.. حـَسـْبـَه بـَعـيـدَه
ايــگــولْ حامـِضْ ماأَريـدَه
-----------------------
يـاهـو اليـجـي اويـتـْجـَعـْبـَنْ
حـاسـِـبْ روحـَـه امـْـفـَـنـَـنْ
والـراسْ جـَـوّه امـْعـَـفـِــنْ
مـاكـو فـَـدْ جـُمـْـلـَـه مـُـفـيـدَه – والعـِنـَبْ والله عـَصيـدَه
ايـگـولْ حامـِضْ ماأَريـدَه
-----------------------
گاضيـهـَه عـِشـْـتْ اوفـُگـِرْ
بـالأبـرَه گـاعـِـدْ يـُحـْـفـُـرْ
ايـخـَـطـْط او يـِـهـْبـِشْ بالـِسرْ
ابـْهـيـدَه مـِنْ تـِچـْـذبْ ابـْهـيـدَه – عـِـنـَبـْـنـَه الكـُـل ْتـريـدَه
ايـگـولْ حامـِضْ ماأَريـدَه
------------------------
كـُـلـَّه انـْـكـِتـَبْ كـُـلـَّه انـْـقـِرَه
يـمـْـشـــي اويــِتــْـلــَـفـتْ وَرَه
بـاچــِــرْ يـجـيــكْ السـِـــــرَه
الله مايـِنـْسـَـه عـَبـيـدَه – عـِنـَبْ وامـْعـَـفـِنْ گـصيـدَه
ايـگـولْ حامـِضْ ماأَريـدَه
------------------------
المايــِردْ عـَنـَّـه حـَـلـيــبـَـه
م اتــْردَه والله الـقـَصـيــدَه
هـالـدنـْيـَه صارَتْ عـَجـيـبـَه
دَرسْ يـومـِـيـَه نـِعـْيـدَه – محـَمـض عنبهم..شكرهم مايفيده
ايـگـولْ حامـِضْ ماأَريـدَه
------------------------
إحـْـلـَمْ ابـْـكـيـَفـَـكْ فـَـسـّـــرْ
بالسـوگْ بـالشـارعْ تـِـفـْـتــَرْ
شـايـِلْ طـولـَكْ غـيـَضْ او شـَرْ
يـاجـَرح ْخـَزنْ صـِديـدَه – مـايـنـوشْ العـِنـَبْ بـيـدَه
ايـگـولْ حامـِضْ ماأَريـدَه
---------------------------
هـَلهـليـله هـَلهـليـله جايبْ البـُدْعـَه ابـْشـليـلـَه
والـنـَـســَــبْ عـالـــــي ســَــلـيـلــَـــه
فـَـرْحــانْ بـالـحـِـلـوَه الـجـَـلـيـلــَـه
راحْ نـنـْـشـُرْ بالجـَريـدَه – والـعـِنـَبْ حـَسـْـبـَه بـَعـيـدَه
ايـگـولْ حامـِضْ ماأَريـدَه
---------------------------
اشـْـعـيـَط ْ وامـْعـيـَط ْ اوهـَمْ جـَرارْ الخـيـَط ْ
ازْعـيـَط ْ واعـْفـيـَط ْ اوهـَمْ نـَطاط ْ الحـيـَط ْ
تـِـتـْـگـامـَدْ عَ الـنـَخـَـل ْالـعـيـَط ْ
يـانـَخـَلْ يـِكـْـثـَرْ جـريـدَه – ايـگـولْ حامـِضْ ماأَريـدَه
ايـگـولْ حامـِضْ ماأَريـدَه
---------------------------

كانون الثاني / 2014
ســـــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات