|
آلو .. مظاهرة 3
أحمد زحام
الحوار المتمدن-العدد: 4304 - 2013 / 12 / 13 - 02:43
المحور:
الادب والفن
آلو ... مظاهرة 3 أحمد زحام المشهد الثالث ( إظلام منطقة وسط خشبة المسرح .. مع إضاءة الجانبين .. خيال لشخصين على جانبي المسرح ) صوت 1 : آلو صوت 2 : آلو صوت 1 : انت رحت فين ؟ صوت 2 : أنا موجود صوت 1 : أنا عايز مظاهرة صوت 2 : بقالك يومين عايز مظاهرة ، ما تكنش عايزني أعملك أنا المظاهرة ؟ صوت 1 : ياريت . صوت 2 : عايزها مظاهرة ديلفري صوت 1 : والله فكرة عبقرية صوت 2 : أنت بتضيع وقتك ووقتي ، فيه طلبات كتيرة مستنية على الخط .. أنا مضطر بعد اذنك أقفل الخط .. ( اظلام تدريجي لصوت 1 ) صوت 2 : مين على الخط ؟ صوت 1 : أنا ( إضاءة تدريجية لنفس المكان السابق ) صوت 2 : انت تاني صوت 1 : ما نا حاجز رقمين لمظاهرتين . صوت 2 : قول خلصني . صوت 1 : عايز أعمل مظاهرة تانية . صوت 2 : هو انته عملت المظاهرة الأولى عشان تعمل المظاهرة التانية صوت 1 : يعني عايزني أخالف القانون ... صوت 2 : ايه الدوشة اللي عندك دي ؟ صوت 1 : لا دا صوت البابور .. اصل الجماعة اللي في البيت بيحبوا يدفوا عليه صوت 2 : قول طلباتك صوت 1 : انا ( كمن يفكر ) هاطلع بمظاهرة من شارع يوسف عثمان لشارع صوت 2 : استنى صوت 1 : أنا قولت حاجه غلط صوت 2 : فين شارع يوسف عثمان ؟ أيوه ايوه .. دا شارع بيتكم صوت 1 : اكمل صوت 2 : كمل .. كمل صوت 1 : لشارع يوسف عثمان صوت 2 : يعني ها تاخد الشارع رايح جاي صوت 1 : تمام صوت 2 : هاتبقوا كام واحد في المظاهرة دي صوت 1 : حسب التساهيل صوت 2: لأ حدد لي العدد .. عشان أعرف ها جيب كام عسكري أمن مركزي صوت 1 : يعني ممكن تقول كده عشره عشرين تلاتين صوت 2 : يعني انت عايز على الاقل تلت عربيات أمن مركزي .. كل عربية فيها تلاتين أربعين عسكري صوت 1 : وما تنساش تجيب كام قناة فضائية .. وعشان خاطري ما تجيبش التليفزيون المصري صوت 2 : ليه .. انت ما بتحبش تلفزيون بلدك صوت 1 : باحبه .. بس هو مابيحبنيش من بعيد لبعيد صوت 2 : خلصني وايه كمان صوت 1 : ولو حصل وخرجنا على القانون ، ما فيش داعي لرش الميه صوت 2 : بس الخطوة دي من أول خطوات فض المظاهرات صوت 1 : بلاش منها للجو برد برد قوي . قوي . صوت 2 : وجماعة حقوق الانسان نعمل معاها ايه ؟ صوت 1 : من امتى وانتو بتهتموا بحقوق الانسان ؟ صوت 2 : يعني انت عايز تقول ان احنا بننتهك حقوق الانسان صوت 1 : استغفر الله العظيم انت اللي لسه قايل صوت 2 : خلصنا عشان نعملك تصريح صوت 1 : ولو قبضتم على حد مننا صوت 2 : ( مقاطعا ) لو خالف القانون .. تحب نستأذنه قبل ما نقبض عليه ؟ صوت 1 : استغفر الله العظيم انت اللي لسه قايل .. نستأذنه صوت 2 : وها تبدأ المظاهرة الساعة كام صوت 1 : مظاهرة ايه ؟ صوت 2 : اللي انت طالب لها تصريح صوت 1 : انت قدامك تليفزيون صوت 2 : قدامي أهو صوت 1 : هات البي بي سي صوت 2 : جبنا محطة البي بي سي صوت 1 : فيه مظاهرة ؟ صوت 2 : فيه مظاهرة صوت 1 : انا باكلمك وانا ماشي في المظاهرة .. احنا لسه مخلصين المظاهرة الآن .. ( اظلام ) .................................................. يتبع
#أحمد_زحام (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
آلو .. مظاهرة 2
-
آلو .. مظاهرة 1
-
قتل الرئيس 2
-
المحضر
-
المرأة والصبي
-
متظاهر
-
خطاب الرئيس
-
أعجبني
-
الميدان الصغير
-
الجنود
-
المسيرة
-
مظاهرة صغيرة
-
مظاهرة صغيرة
-
لم يحضر أحد
-
التحرير
-
سب الرئيس
-
الهاتف
-
البنت الحلوة
-
اللافتة
-
البيادة
المزيد.....
-
تابع HD. مسلسل الطائر الرفراف الحلقه 67 مترجمة للعربية وجمي
...
-
-حالة توتر وجو مشحون- يخيم على مهرجان الفيلم العربي في برلين
...
-
-خاتم سُليمى-: رواية حب واقعية تحكمها الأحلام والأمكنة
-
موعد امتحانات البكالوريا 2024 الجزائر القسمين العلمي والأدبي
...
-
التمثيل الضوئي للنبات يلهم باحثين لتصنيع بطارية ورقية
-
1.8 مليار دولار، قيمة صادرات الخدمات الفنية والهندسية الايرا
...
-
ثبتها أطفالك هطير من الفرحه… تردد قناة سبونج بوب الجديد 2024
...
-
-صافح شبحا-.. فيديو تصرف غريب من بايدن على المسرح يشعل تفاعل
...
-
أمية جحا تكتب: يوميات فنانة تشكيلية من غزة نزحت قسرا إلى عنب
...
-
خلال أول مهرجان جنسي.. نجوم الأفلام الإباحية اليابانية يثيرو
...
المزيد.....
-
صغار لكن..
/ سليمان جبران
-
لا ميّةُ العراق
/ نزار ماضي
-
تمائم الحياة-من ملكوت الطب النفسي
/ لمى محمد
-
علي السوري -الحب بالأزرق-
/ لمى محمد
-
صلاح عمر العلي: تراويح المراجعة وامتحانات اليقين (7 حلقات وإ
...
/ عبد الحسين شعبان
-
غابة ـ قصص قصيرة جدا
/ حسين جداونه
-
اسبوع الآلام "عشر روايات قصار
/ محمود شاهين
-
أهمية مرحلة الاكتشاف في عملية الاخراج المسرحي
/ بدري حسون فريد
-
أعلام سيريالية: بانوراما وعرض للأعمال الرئيسية للفنان والكات
...
/ عبدالرؤوف بطيخ
-
مسرحية الكراسي وجلجامش: العبث بين الجلالة والسخرية
/ علي ماجد شبو
المزيد.....
|