أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - أحمد زيادة - أحمد زيادة يكتب: مصر أم الأوطان، بس مش أم الشعب!!














المزيد.....

أحمد زيادة يكتب: مصر أم الأوطان، بس مش أم الشعب!!


أحمد زيادة

الحوار المتمدن-العدد: 4288 - 2013 / 11 / 27 - 21:01
المحور: كتابات ساخرة
    


مصر أم الأوطان، بس مش أم الشعب!!

مصر هى النقطة التى تتوسط العالم، تتميز بموقعها الجغرافى الاستراتيجى، و مناخها المعتدل صيفاً، الدافئ شتاءاً، و هى ذات الحضارة الأقدم و الأعرق فى العالم؛ بها الأهرامات، و المعابد الفرعونية، و التراث العالمى الذى احتضنته منذ قديم الأزل، و بها قناة السويس المجرى الملاحى الأهم فى العالم.

هذا ما درسناه فى كتب التاريخ فى المدرسة، و لكن ما لم ندرسه هو أن بها شعباً يتميز بخفة دمه، و جداله الدائم، و يضم 90 مليون فيلسوف!!

و بعد ثورة 30 يونية، تحولت كل أطياف الشعب لمحللين سياسيين متفقهين و دارسين و خبراء استراتيچيين؛
هذا ما يظنه كل فرد يتحدث فى هذا المجال الذى أدعى أنه لا يوجد فيه خبير بنسبة 100٪-;---;-- ، و لا عراف كما يدعى بعضهم، لأن السياسة ببساطة هى لعبة قذرة تجول أنحاء الكرة الأرضية بأكملها، و تُخفى أسراراً دُولية إن ظهرت فليس قبل نصف قرن من الزمان!!

النتيجة: شعب انقسم إلى شعبان، مصرى انقسم على نفسه ليصبح اثنان، سواءاً بإرادته نفاقاً، أو غفلةً منه؛ و النتيجة النهائية مصر فى الدرك الأسفل من نار العذاب و المعاناة!!

جدال دار بين شعب و شعب آخر، هو هو نفس الشعب!!

ثورى حر كما أطلق على نفسه يخاطب إخوانى ثورى كما أطلق على نفسه أيضاً، فكان حوارهما هكذا:

الشعب الإخوانى: انتوا انقلابيين، و سرقتوا الثورة بتاعتنا، الله يسامحكوا.

الشعب الثورى: سرقنا إيه؟ دى ثورتنا من الأول و انتوا اللى ركبتوها بكذبكم و نفاقكم.

الشعب الإخوانى: ركبنا إيه الله يهديك!! هوة مين اللى جعل مبارك يمشى؟ لولانا مكنتوش عملتوا حاجة!!

الشعب الثورى: على أساس انك نزلت 25 يناير؟؟ ، مسبتنيش أنزل، و ركبت لمة اطمنت إن الوضع الأمنى أمان ليك، فنزلت، و قلت انك صاحب الثورة؟!

الشعب الإخوانى: و مين اللى اتقبض عليه أيامها؟ مش قيادتنا؟ أولهم الرئيس الشرعى مرسى اللى خنتوه؟!

الشعب الثورى: اتقبض عليه فى قضية تخابر، جاسوس يعنى!!

الشعب الإخوانى: و لمة هوة جاسوس انتخبته ليه؟ و غيرك انتخبه ليه؟!

الشعب الثورى: أنا منخبتش حد، و اللى انتخبه عشان شفيق رأس الفلول ميكسبش، و نعيد نظام مبارك؛ عصر ليمون يعنى، و يا ريته كسب بشرف، ده بعد تهديداتكوا بحرق البلد لو مكسبش، و توزيع الزيت و السكر.

الشعب الإخوانى: لو بتفهم حتعرف إن الإخوان بيوزعوا زيت و سكر من زمان، و بيعملوا خير!!

الشعب الثورى: فى المناسبات، مش وقت الانتخابات. طب يا عم كسبت عملت إيه غير انك قلت أهلى و شعبى و عشيرتى، و خليت الناس تاخد وعود، و منفذتش!! و طلعت قصدك أهلى و عشيرتى يعنى الإخوان بس!! كفرتونا و عذبتونا و دمرتوا البلد.

الشعب الإخوانى: يابنى ده كان عصر الحرية، حتى باسم يوسف برنامجه متقفلش زى ما حصل دلوقتى!!

الشعب الثورى: و الناس اللى ماتت فى العباسية و محمد محمود اللى انتوا قلتوا انهم يستاهلوا، حرية برده؟!

الشعب الإخوانى: دول بيخربوا البلد، و بيدمروها.

الشعب الثورى: و انت اللى بتصلحها دلوقتى؟ ما العمليات الإرهابية و التخريب شغالين الله ينور، انت ناسى اللى انتوا عملتوه فى ذكرى محمد محمود من كام يوم؟

الشعب الإخوانى: و احنا كنا نازلين نحتفل! مش مصريين زينا؟!

الشعب الثورى: يابنى ما انت لسة قايل إن الناس اللى ماتت كانت بتخرب البلد و تدمرها؟

الشعب الإخوانى: آه.. ما احنا نزلنا ندافع عن الشرعية، و نرفع إشارة رابعة، و نقول للعالم احنا الشرعية!!

الشعب الثورى: تقوم تخرب و تكسر و تضرب و تولع فى علم مصر؟! و تقول علية أنا مخرب؟!

الشعب الإخوانى: علم مصر رمز العسكر دلوقتى، و لازم نحرقه!

الشعب الثورى: آه صح، مانا نسيت انك حتزعل لو حرقت علم إسرائيل، يا متأسلم!

الشعب الإخوانى: متحاولش تبين ان الجيش حلو، انت نسيت اللى عملوا فى فض اعتصامنا فى رابعة؟ و الناس اللى ماتت؟

الشعب الثورى: عشان حذرك تفض الميدان و توقف بهدلة للبلد و تكسير رصفان، و أرف!!

الشعب الإخوانى: و اشمعنا سابك انت فى التحرير و الإتحادية؟! و لا حلو ليك، و و حش لية؟

الشعب الثورى: علشان أنا كنت سلمى، مش زيك، مجرم!!

الشعب الإخوانى: و السلمية انك تمشى رئيس معاه شرعية 3 سنين، و الجيش يقتل مناصرين الشرعية و الاستقرار، يا قاتل؟!

الشعب الثورى: على أساس ان مبارك مكانش ليه شرعية 6 شهور؟! و متكلمتش لمة مشى؟! و الجيش اللى مش عاجبك ده انت قلت انه أعظم جيش فى العالم أيام طنطاوى؟! ولا نسيت يا منافق؟!

الشعب الإخوانى: آه ده انت فلول بقى، انت عايز إيه، يا خاين؟

الشعب الثورى: عايز أعرفك انك خروف!

الشعب الإخوانى: أنا خروف يا ابن دين "لفظ نابى" يا "لفظ نابى آخر"!!

الشعب الثورى: بتسب الدين يا صهيونى يا منافق انت لازم تت.... على الفاضى و المليان!! "ألفاظ نابية و قبيحة كتير"!!

و ينتهى الحوار فى النهاية، بأبشع و أشنع الألفاظ، و قد يتطور إلى المشاجرة و التدمير و الخراب للممتلكات العامة لمصر و شعبيها!! و أخيراً ينتهى بمقتل بعضاً من هذا الشعب و بعضاً من الآخر..

و مصر تبكى من شدة الألم، و يزيد نزيفها، و تتدهور بين أقرانها من دول العالم؛ بيدنا نحن!!

احنا آسفين يا مصر يا أم الدنيا فقط، فأنتى لستى أماً لنا طالما وصل بنا الحال لأن نؤذيك و ندمرك، فنحن نستحق أن نصبح بلا أم!! حتى نقدر قيمتك، و جنتك!!

تلك الرسالة لنا جميعاً ساكنى أرض هذا البلد شعباً و مسؤولين حكومةً و إعلاماً؛ و أبناءاً!!


Twitter: @AhZeyada
https://www.facebook.com/Zidooo
[email protected]



#أحمد_زيادة (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- أحمد زيادة: السيسى فى خطابه: الزمالك قادم!!
- أحمد زيادة يكتب: ثورة مصر ما بين التمنى و الإدراك!!
- قضية كرامة وطن منسية!!
- الشيخ أبو لحية كِلبسات!!
-  أوباما عضواً فى تنظيم الإخوان العالمى!
- الحرب العالمية الثالثة!!
- أحمد زيادة يكتب: أنصار مرسى بيخبطوا على الحِلَلْ، تطلَّع نار ...
- الشباب مشاكل وحلول
- لماذا لا يشارك الشباب في عملية التغيير المجتمعي من خلال المؤ ...


المزيد.....




- سيطرة أبناء الفنانين على مسلسلات رمضان.. -شللية- أم فرص مستح ...
- منارة العلم العالمية.. افتتاح جامع قصبة بجاية -الأعظم- بالجز ...
- فنانون روس يسجلون ألبوما من أغاني مسلم موغامايف تخليدا لضحاي ...
- سمية الخشاب تقاضي رامز جلال (فيديو)
- وزير الثقافة الإيراني: نشر أعمال لمفكرين مسيحيين عن أهل البي ...
- -كائناتٌ مسكينة-: فيلم نسوي أم عمل خاضع لـ-النظرة الذكورية-؟ ...
- ألف ليلة وليلة: الجذور التاريخية للكتاب الأكثر سحرا في الشرق ...
- رواية -سيرة الرماد- لخديجة مروازي ضمن القائمة القصيرة لجائزة ...
- الغاوون .قصيدة (إرسم صورتك)الشاعرة روض صدقى.مصر
- صورة الممثل الأميركي ويل سميث في المغرب.. ما حقيقتها؟


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - أحمد زيادة - أحمد زيادة يكتب: مصر أم الأوطان، بس مش أم الشعب!!