ياشَعبْ العِراقْ

ميسون نعيم الرومي

الحوار المتمدن-العدد: 4282 - 2013 / 11 / 21 - 13:28
المحور: الادب والفن
    

هـالمـطـرَت المـَطـْرَه واغـَـْرگــَت بـَغـدادْ – حـاكـمـنـَه تعـنــْـتر صار ابن شـَـدّادْ
غـَرگــَـتـْـنـَه يـَـنـايـبْ كـثـْرَة الأمـطـارْ
بالمـَنـطـقـَه الخـَضـرَه انـسِـگت هالاشـْجـارْ
والأَشــْـجـارْ حـِمـْلــَتْ بالخِـزي والـْعـــــارْ
سـَخـْـتـَه اوبالــچــذبْ يوميـه كـالمـعـتـادْ- المـَطـْرَه واغـَـرگــَت بـَــغــــدادْ
*************
هـاليـنـْطـرْ فـَرَجْ يانـاسْ واليـَمـْــتـــَه
هـَـاليـشـكـي اويـونْ واهـمـومـَه كـاتـلـتـَه
سـاكـتْ ياشـَعـَبْ كـَبـْرانـَـه بـي عـلتـــَه
عـَــفـْيـَه من مـطــَرْ مايـوصـَلْ الأسـيـادْ – حـاكـمـنـَه تـِعـَـنــْـتـَرْ صار ابن شـَـدّادْ
*************
مـاضَلْ كِـل مواطن وانخـنـَـگ عـبـْرات
وانـجـومْ السـِـمـه حـزنـَانـه وامـغـَبـراتْ
شـوارعْ بالقـهـَر والزبـلْ وامـْحـَـفـْـراتْ
والمـايْ المَريـضْ إعـْلــَه الخـَلـَگْ هـالـهـادْ - هـالمـطـرَت المـَطـْرَه واغـَـرگــَت بـَــغـدادْ
*************
ياشـَعـبْ العـِراقْ الحايـرْ ابـأمـْرَه
عـيـشـَه امـگــَدرَه گــَضّـاهـَه كـلْ عـمـْرَه
چـفـَـتْ مـاي المـطــَرْ وايـنـزْحـَه وايـشـمـْرَه
ياصـوتْ اليـصيـحْ اشوَكـِتْ.. بـَسْـكم عـادْ !– حـاكـمـنـَه تعـنــْـتر صار ابن شـَـدّادْ
*************
شـوفيهه يـَيـُمـَّه اشـْـلونْ طرگاعـَـه
كـِتـْـلونـَه گــَبـلْ !!! واليـومْ شـَـفـاعـَه
خـَضرَه المـَنـْطـقـَه اوتـحـْرسـْه فـَـــزاعـَه
سـيـّد عَ الشعب هـاليحرس الأسـيـادْ _ هـالمـطـرَت المـَطـْرَه .. واغـَـْرگــَت بـَغـدادْ
مـَرَضْـنـَه ماإلـَه لادويـَـه لاطـِبـَّــه
مـنْ يـمـْرَضْ عـراقي بـَسْ إلـَه رَبـَّه
امراض اوإجـَتْ من ماي اليـشـربـَه
والـگاعِـد (الخضره) ميـّتــَه اسـْـتـيـرادْ - عـَفـْيـَه مِـن مـطــَرْ مايـوصـَلْ الأسـيـادْ
**************
ياشـَعـبْ العـراق اليـلعي للسـَـتـارْ
سـودَه امـْصَخـمـَه كل يـومْ هالأخـْبـارْ
خِـطـّـار المـطـرْ ... زايـرْهـمْ الخـطـّارْ
فـرشـولـَه فـرشـكـُمْ عـيـَني يالأمـْجـادْ – انـطـّـوه اللــّحِـف واتـغـطـّـوا باللـبـّـاد
*************
گالـَوْ وَعـَدْ هـَـذا انـكِتـب من الله
چـذبـاتْ اچـَذبـَـوْ .. واليـنـتـِقـمْ الله
حق الله . حكيم الله . العـَدل الله
نـنـطر بافـَرجْ مـنْ رَبـْـنـَه كـالمـعـْـتـادْ - هـالمـطـرَت مـَطـْرَه اوغـَـرگــَت بـَغـدادْ
*************
يـَمـْتـَه الگــَلـبْ يـرْتـاحْ واتـْروحْ الـهـْمـومْ
غـَمـَّه المـوتْ كـُـلْ وَكـْـتـَه عـَليـَنـَه ايـحـومْ
يـاهـو اللـّـي إجـَه .. غـَرَگــنـَه مـوت ادْمـومْ
واچمـاله الـوَكـِتْ يـحـْكـمْـنـَه بس جـَلادْ - ياصـوتْ اليـصيـحْ اشوَكـِتْ.. بـَسْكم عـادْ

نوفمبر / 2013
ســـــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات