الفياكرا ملفات مضمومه !

يحيى الحميداوي

الحوار المتمدن-العدد: 4236 - 2013 / 10 / 5 - 16:37
المحور: كتابات ساخرة
    

بعد زيارتي لصديقي الحجي لعيادته في مرضه المفاجئ واطمئناني على صحته ,تجاذبنا أطراف الحديث ودار بيننا ما دار حول الشفافية وقواطي المعجون ,والحجي من دون كل السياسين هذا الوحيد المايحجي عليه كلما أسأله حجي شو بس هذا تمتنع عن التصريح بمساوئه ,ينب عليه بخشونه :هذا شفاف وما افرزن شيكول أظن يفتهم !يحجي حجي كبار
ما اكدر عليها ,حقه الحجي هذا يخرط خرط ويجيب ويعبي بالتنكه كلنه منفتهم شيريد لذلك بعد التدرج بالحديث ومن خلال خطاباته وصل الى مرحلة المعجون !وهي غاية ما تصل إليه مخيلة السياسي في العراق الذي ابتلي بهكذا نمونات !بعد خروجي من عرين الحجي تبعني (دوحي ) وهو مبتسم وتتطافر من عينيه سالفه يريد ان يرويها لكن خوفه من جده منعه حتى انتظر خروجي ليحكيها لي .
- ها دوحي شو اجيت وراي خير عندك شي يملعون
- عندي ملفات ضامها على جدي من اطلعها تحترك الدنيا
- - ايباخ ولك عندك ملفات خاف مثل صاحبنه صار اسنين ايهدد عندي ملفات عندي ملفات ,غير ايطلعهن ونرتاح .
- وداعتك اليوم عندي سالفه هي السبب بطيحت جدي وخرابه ,ترى جذب القنزه ونزه ما الها علاقه بطيحته !
- اها انه اغلام ابوي ,ولك دوحي اليوم تتعشه على احسابي ,سولفلي
- تحلفلي ما تجيبله طاري ترى واجتافي للعباس ايضيع عليه المشراد وما يلفوني بعد
- اعتبر نفسك ما حاجي ,خايب شكيت مصاريني دحجي !
قبل يومين نمت يم حبوبتي وفزيت تالي الليل على صوت الطحير ظليت متحير اصيح شكو ! لو اسكت ,الصوت صوت جدي ,جبتها منا حطيتها منا اتوضحت عندي الشغله ,والنوب اكدتها الحجيه ام محمد سمعتها اتكله للحجي ,لاتضوج حجي تعبان ومابيك حيل ,انت زلمه وكدها وكدود ,ثاني يوم كلت خلي اكسب ودّ الحجي وأنال رضاها واخلص من يوم كامل من التقريع والتوبيخ ,بعد ان اختليت بي بالديوانية ,حجي تنطيني عشرة الاف واجيبلك خلطه سحريه اتعيد بيها نشاطك .ظل الحجي باهت ويباوعلي بعين الحركه لكنها خجوله
-شنو قصدك أبن خيريه ! احجي متورج على شي ,لو تريد اتلفلك وحده منا منا ,متعلم من امك قابل تطلبها !
-وداعتك حجي شغله اتفيدك وراح اتبوسني منا ومنا ,امشي وخر اشكد احبك لو احب امك وابوسك !
حجي انطيني العشره وما تخسر ,بين المشتهي والمستحي وافق الحجي وانطاني العشرة بعد التهديد والوعيد ,ما اطول عليك السالفه جبتله (حبايه فياكرا )وعلست الفلوس الباقيه ,ولك دوحي هاي بعشر تالاف الزركه ولك ملعون ,حجي هاي سحريه وداعتك !الحجي شربها ورى صلاة المغرب واني اتابع حركاته ذب فلك أيهر علينه كل اشويه وصاح ما تناومون موت الكرفكم ,اني انطردت من الغرفه للديوانية ,ما نمت للصبح كل اشويه اكول هسه اسمع الصريخ ابيتنه ! اخذتني النومه وما احس الا واحد يندس بيه ,دوحي بعد جدك وايامه الزم ,شنو هاي جدي ,هاي حمرة ام المعجون خمسه وعشرين الف
-حجي شسوي بيها الحبايه بعشره

- ولك العشر تالاف مني جيبلي وحده النوب والخمسطعش هاي من حبوبتك الليل كله تندعيلك !
ما طول الحجي للظهر ولوى بوزه وصوفر وجه واخذناه للمستشفى
لا ايكلك قنزه ونزه ولا غيرها !
ببو زايد جا هي اطلابه ما يكدر يكعد ويسكت الا يجحبن ويحجي كبار والله يابو محمد ودارت عليك وطلعت هم عندك ملفات مضمومه ,فلكاشه تعبت اتظل يمكم العافيه

#يحيى_الحميداوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات