حمزة عبدالله قاسم
الحوار المتمدن-العدد: 4236 - 2013 / 10 / 5 - 15:25
المحور:
الادب والفن
اعلي المسار/ - أفلا - ن – تاسوكت- عنوان قصيدة شعرية امازيغية للاستاذ حمزة عبدالله قاسم كتبت بتافراوت جنوب المغرب5 مارس سنة 1982
تتناول اعتزاز الشاعر بموطنه وبهويته كذا الهم الذي يحمل إزاء قضيته الامازيغية,
.................أفلا - ن - تاسوكت.................
ساقسايات اومركت (1) ئس يورو لوز ؟
أد أسيغ ياوقصيد أداخ نتيرير
أكن حورموخ أسادات أويلي درنين
ويلي - ف - ئبيد لعار أسين توفاوين
ؤلا - غيد موتنين أتن ئرحم ربي أمين
هايي نبيد ئتيوكا - نو نرا أداغ نكرز
أنزار ئداد سرك أياكال مقار ئلا ؤصميض
أزور ئدمن - غ - واكال ؤر أت ئلكم ييكيك
أشكو أمان - أف - ئسدو نتا - د - ؤجديك
ئضر واوال توكيمت ؤلا سول أفود
تيملي(2) تكاد أزار - سار أكما نافوض
تافوكت ئنو أضوامت ؤر أم نني وريد
ئضر ئزري ئنو تيلاس - ك - سول تنمنيد
أفلا - ن - تاسوكت أنرار (3) ؤر ئفال ئموريك
أر ئتغار ؤغبالو نون مقار ئلا ييوئز
أمز ئيي أفوس أد نستارا تيدواريين
ئلي - غ - زدغن ئمغارن زرين كيسن تاسوتين
أمود أد فلن نتان أد - ريخ أسيس نكرز
تايري يوفن لوبان - د - وايدا مقار ئشيض
أما لقوبات - د - لابروج أرتن ئخلا ؤزمز
سيدي ربي أد ؤر ئضر ئكنا (4) نرا أسول أكال
أكيس نزو أركان - د - واوال نملت ئواراو
ئفولكي ئموريك ئغ تيد ؤسيغ أسرس نحوش
ؤلا تيرا - ن - طلبا لي زرينين ؤر تنيد ؤفيغ
ؤسين غايدا ؤسيغ - غ - ساد ؤر سيس رمين
مقار ئك ؤنزكوم(5) واياض أرا (6)كيغتن - غ - ؤفوس
الشاعر حمزة عبدالله قاسم تافراوت 5 مارس 1982
...............................................................................
أماوال :
1- اومركت : سهل فسيح الأرجاء بضواحي تافراوت في الغالب ينبت شجر اللوز- 2 تيملي : البياض - 3 أنرار : الندر ، البيدر - 4 ئكنا : السماء - 5 أنزكوم : الهم ، - 6 أرا : الوثيقة ، الرسم
#حمزة_عبدالله_قاسم (هاشتاغ)
كيف تدعم-ين الحوار المتمدن واليسار والعلمانية
على الانترنت؟